Is-sharaǵa QR Ǵylym jáne joǵary bilim mınıstri Saıasat Nurbek, Qazaqstandaǵy Ulybrıtanııanyń Tótenshe jáne О́kiletti Elshisi Ketı Lıch, Cardiff University bas operasııalyq dırektory Paýla Sanderson, halyqaralyq yntymaqtastyq jónindegi dırektory Anna Morgan jáne ýnıversıtettiń ózge de ókilderi qatysty.
О́z sózinde QR Ǵylym jáne joǵary bilim mınıstri Saıasat Nurbek Memleket basshysynyń tapsyrmasyna sáıkes Qazaqstan aýmaǵynda álemniń jetekshi joǵary oqý oryndarynyń fılıaldaryn ashý boıynsha mınıstrlik belsendi jumys júrgizip jatqanyn atap ótti. Osy baǵyttaǵy mańyzdy nátıjelerdiń biri – Kardıff ýnıversıtetimen yntymaqtastyq ornatý boldy. Bul ýnıversıtet – Ulybrıtanııadaǵy bedeldi Russell Group quramyna kiretin, QS World University Rankings jáne Times Higher Education sekildi álemdik reıtıngterde turaqty joǵary oryn alatyn oqý orny.
Aıta keteıik, 2024 jylǵy 14 tamyzda qazaqstandyq delegasııa alǵash ret Kardıff ýnıversıtetine baryp, onyń qorytyndysy boıynsha QR Ǵylym jáne joǵary bilim mınıstrligi, «Qualified Centre of Education» qoǵamdyq qory jáne Cardiff University arasynda Astanada fılıal ashý týraly úshjaqty memorandýmǵa qol qoıyldy. Keıin 2024 jylǵy 20 qarashada Kardıff ýnıversıteti delegasııasynyń Qazaqstanǵa jaýapty sapary barysynda taraptar egjeı-tegjeıli kelissózder júrgizýge baǵyttalǵan ekijaqty kelisim jasasty. Al 2025 jylǵy 25 aqpanda Kardıff ýnıversıtetiniń ókilderi qaıta kelip, akademııalyq baǵdarlamalardy naqtylap, yntymaqtastyqtyń negizgi máselelerin talqylady.
2025 jylǵy qyrkúıekte Astanada Cardiff University Kazakhstan tolyqqandy bilim berý kampýsy ashylady. Kampýs 2000-nan astam stýdentke arnalǵan. Bul – Qazaqstanda sheteldik joǵary oqý ornynyń joǵary akademııalyq reıtıngke ıe alǵashqy fılıaly bolmaq. Baǵdarlamalar tikeleı negizgi ýnıversıtettiń basqarýymen júzege asyrylady. Jańa kampýs akademııalyq artyqshylyqtyń, ǵylymı zertteýler men halyqaralyq jobalardyń ortalyǵyna aınalady. Munda Cardiff University jetekshi oqytýshylary men Qazaqstan men shet elderden keletin talantty stýdentter shoǵyrlanatyn bolady.
Fılıal 2025 jyldan bastap STEM baǵyttary (ǵylym, tehnologııa, ınjenerııa, matematıka) men bızneske basymdyq beriletin Foundation (daıyndyq) baǵdarlamasymen jumysyn bastaıdy. 2026 jyldan bastap kelesi salalar boıynsha bakalavrıat baǵdarlamalary iske qosylady: kompıýterlik ǵylymdar, bıznes basqarý, azamattyq qurylys, geologııa jáne paıdaly qazbalardy barlaý.
Oqý uzaqtyǵy – 4 jyl: 1 jyl Foundation, odan keıin 3 jyl bakalavrıat. Barlyq sabaqtar tolyqtaı aǵylshyn tilinde ótedi, dárister men praktıkalyq sabaqtardy Cardiff University akademııalyq quramy júrgizedi. Astana kampýsy akademııalyq utqyrlyqty qamtamasyz etedi jáne basqa qalalar men shet elderden kelgen stýdentter úshin jaıly jataqhanamen qamtamasyz etiledi.
Foundation baǵdarlamasyna qabyldaý talaptary:
✔ IELTS akademııalyq testi – keminde 5.5 (ár komponentten – keminde 5.0);
✔ Attestattyń ortasha baly (GPA) – 5.0 júıesi boıynsha keminde 4.0, matematıka páninen – keminde 4;
✔ UBT – keminde 50 ball (memlekettik grantqa túsýshiler úshin).
