Foto:Sý resýrstary jáne ırrıgasııa mınıstrliginiń baspasóz qyzmeti
Oblystyń «Qazsýshar» fılıaly málimetinshe, búginde atalǵan aýdan dıqandaryna 12 578 gektar aýyl sharýashylyǵy jerin sýarý úshin 39,5 mln tekshe metr sý berilgen.
Kóktem erte shyqqandyqtan qaýyn da ýaqytynan buryn piskenin aıtqan sharýa qojalyǵynyń tóraǵasy Álfarabı Kúzenbaev qajetti sýdy der kezinde jetkizip berip otyrǵan «Qazsýshar» ujymyna alǵys aıtty.
Al oblys boıynsha «Qazsýshar» fılıalynyń dırektory Qazybek Bedebaev aıtýynsha dıqandarǵa sýarmaly sý naýryz aıynan bastap berile bastaǵan. Sýdy fılıalmen arnaıy kelisimshart jasaǵan sharýashylyqtar ǵana alyp otyr.
«О́ńirdegi sharýa qojalyqtarymen 275 myń gektardan astam alqapqa jalpy kólemi 2,4 mlrd tekshe metrden astam sý berý jóninde 8 892 kelisim jasalǵan. Qazirdiń ózinde óńir dıqandaryna 672,8 mln tekshe metr sý berildi», dedi Qazybek Bedebaev.
