Foto: Ashyq derekkóz
Gazanyń Densaýlyq saqtaý mınıstrliginiń málimetinshe, soltústik óńirdegi aýrýhanalar kóp jaǵdaıda jumys isteı almaı otyr, sondyqtan naqty qurbandar sany áli de anyqtalyp jatyr. Aýyr jaǵdaıdy Palestınadaǵy dárigerler de rastaǵan. Bir dárigerdiń aıtýynsha, juma kúngi shabýyldan keıin ol on balasynyń toǵyzynan aıyrylǵan.
Resmı derekter boıynsha, naýryz aıynda atysty toqtatý rejımi buzylǵaly beri 3 785 adam mert bolǵan. Izraıl tarapy bul áskerı operasııany HAMAS qozǵalysyn joıý jáne 2023 jyldyń 7 qazanynda tutqynǵa túsken 58 adamdy bosatý maqsatynda júrgizip jatqanyn málimdeıdi.
Al HAMAS bolsa, tutqyndardy tek tolyq bitim jasalyp, Izraıl áskeri Gazadan tolyq shyqqan jaǵdaıda ǵana bosatatynyn alǵa tartqan.
Aıta keteıik, Izraıl eki jarym aı boıy Gazaǵa azyq-túlik, janarmaı jáne medısınalyq zattardy kirgizýge tyıym salǵan bolatyn. Tek sońǵy aptalarda halyqaralyq qysym men asharshylyq qaýpi saldarynan az kólemde kómek kirgizile bastady.
