Foto: Ǵylym jáne joǵary biilim mınıstrligi
Bes pán boıynsha ortasha ball 61-di quraǵan. Eń joǵary nátıjeni Túrkistan oblysynan Ábilhan Jánibek kórsetip otyr. Ol eń joǵarǵy kórsetkishke ıe bolyp, 140 ball jınaǵan edi.
Testileýge qatysýǵa 216 myń talapkerden 399 myńǵa jýyq ótinish túsip, basym bóligi, naqty ataǵanda, 20%-y «Matematıka-Fızıka», 17%-y «Shyǵarmashylyq emtıhan» pánder kombınasııasyn tapsyrǵan, 11%-y «Bıologııa-Hımııa» kombınasııasyn tańdaǵan.
Aıta ketelik, erekshe bilim berý qajettilikteri bar oqýǵa túsýshiler úshin qolaıly jaǵdaı jasaý nátıjesinde UBT-ǵa 163 talapker qatysqan.
Ǵylym jáne joǵary bilim mınıstrliginiń baspasóz qyzmetiniń málimdeýinshe UBT bastalǵan alǵashqy aptada 55 ereje buzý faktisi anyqtalǵan. 26 talapker smartfon, shpargalka alyp kirmek bolǵany úshin testileýden shettetilse, taǵy 29 adam testileý kezinde ereje buzǵany úshin aýdıtorııadan shyǵarylyp, nátıjeleri joıylǵan.
Eske salaıyq, 2025 jylǵy UBT aıaqtalǵannan keıin 31 qazanǵa deıin beınejazbalarǵa taldaý júrgiziledi. Tyıym salynǵan zattardy paıdalaný nemese ereje buzý faktileri anyqtalǵan jaǵdaıda UBT nátıjeleri birden joıylady.
