Foto: t.me/astanovka98
Qalalyq Qoǵamdyq densaýlyq saqtaý basqarmasy zardap shekken turǵynǵa alǵashqy medısınalyq kómektiń kórsetilgenin málimdedi.
«Jedel járdem brıgadasy oqıǵa ornynda alǵashqy kómek kórsetti. Alaıda, pasıent aýrýhanaǵa jatýdan bas tartty», delingen habarlamada.
Jergilikti ınfraqurylymǵa jaýapty «Astana sý arnasy» mekemesi de jaǵdaıǵa túsinikteme bergen. Olar 26 mamyrda D-1000 mm dıametrli káriz kollektory mańynda jer qabaty shógip, oıyq paıda bolǵanyn habarlady.
«Oıyqtyń túbinde sý jınalyp qalǵan. Oqıǵa ornyna bizdiń mamandar jedel jetip, qaýipsizdik sharalaryn qolǵa aldy. Qazir tehnıkalyq zertteý jumystary júrip jatyr», dedi mekeme ókilderi.
