Boks • 27 Mamyr, 2025

Altyn jaýǵan alaman

70 ret

kórsetildi

3 mın

oqý úshin

Shrı-Lankanyń astanasy Kolombo qalasynda bokstan jastar arasynda Azııa chempıonaty aıaqtaldy. Boksshylarymyz, ásirese qyzdar quramasy 12 salmaqtyń barlyǵynda altyn alyp, qurlyq úzdigi atandy. Erler komandasy da jalpy esepte top bastap, elimizde ulttyq quramanyń izbasarlary qarymdy ekenin kórsetti.

Qýanysh NURDANBEKULY

19 jasqa deıingi qyzdar komandasyn baptaıtyn aǵa bapker Jangeldi Ahmetovtiń eńbegin basa aıtqan lázim. 12 salmaq dárejesi boıynsha synǵa túsken qyzdarymyzdyń barlyǵy da elge altyn medalmen oraldy. 48 kg salmaqta Aıym Tańqybaeva úzdik shyqty. Sıla Bıbolsynqyzy (50 kg), Rahmına Ábdimejıtova (52 kg), Janel Imantaeva (54 kg), Aqnur Tursynǵalı (57 kg), Tolǵanaı Qasymhan (60 kg), Alına Qudaıgenova (63 kg), Aqbota Esimbekova (66 kg), Marııa Sıdorenko (70 kg), Quralaı Eginbaıqyzy (81 kg), Sabına Jaqsylyq (81 kg salmaqtan joǵary) qurlyq úzdigi atandy.

Shrı-Lankada ótken dodaǵa Maqsat Baqtybazar baptap barǵan 19 jasqa deıingi jastarymyz (erler) 10 altyn, 1 kúmis, 1 qola medal enshiledi. Nurhan Qumarbekov (48 kg), Dosymjan Tańatar (51 kg), Aldııar Bahadúr (54 kg), Nyǵman Nyǵmet (57 kg), Ádilet Tartýbek (60 kg), Muhıt Nurqabyluly (63,5 kg), Sultan Turdaly (67 kg), Igor Solovıov (80 kg), Rasýl Asanhanov (92 kg), Beksultan Qaıratuly (+ 92 kg) Azııa chempıonatynyń altynyn oljalady. 75 kg salmaqta synǵa túsken Jasulan Berdaly fınalda súrinip, kúmis medaldy mise tutty. 86 kg salmaq dárejesinde Nursultan Qystaýbaıǵa qola medal buıyrdy.

Azııa chempıonatyn 22 jasqa deıingi jastar jalǵastyryp, jeńistiń júldesin jaqsarta tústi. Beıjiń Olımpıadasynyń chempıony Baqyt Sársekbaev baptap ákelgen órender senimdi aqtaı bildi. Tileýberdi Súleımen (48 kg), Dıas Berikbaı (51 kg), Jasýrbek Anorbaev (57 kg), Nurıslam Qaldybaev (60 kg), Baqtııar Anarbaev (67 kg), Aǵajan Qadyr (71 kg), Aman Qonysbekov (75 kg), Baqbergen Álıasqarov (80 kg), Ibragım Betaev (86 kg), Azatbek Joldashan (92 kg) altyn alsa, Seraly Jolmaǵanbet (63,5 kg) men Ersultan Sapar (+92 kg) kúmis júlde ıelendi.

22 jasqa deıingi boksshy qyzdarymyz da Shrı-Lankadan oljamen oraldy. Elına Bazarova (54 kg), Vıktorııa Baıdýkova (57 kg), Anar Tursynbek (60 kg), Arýjan Jańabaeva (63 kg), Uldana Taýbaı (66 kg), Baqyt Seıdish (70 kg), Shuǵyla Nálibaı (75 kg), Jibek Jarasqyzy (81 kg), Ásel Toqtasyn (+81 kg) ánuramyzdy shyrqatty. Fınaldyq tartysta ese jibergen Aqbota Bolat, Gúlnar Turapbaı, Tomırıs Myrzaqul kúmis medaldy mise tutty. 22 jasqa deıingi boksshy qyzdardy bilikti bapker Eldos Saıdalın bastaǵan bapkerler ujymy bastap ákeldi.