Foto: ashyq derekkóz
Ashylý saltanatyna oblys ákiminiń birinshi orynbasary Danııar Janalınov, oblys prokýrory Rızabek Ojarov, Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń bastyǵy Qýanysh Ahmetqalıev, Polısııa departamentiniń bastyǵy Serik Ergeshov pen ózge de quqyq qorǵaý salasy basshylary qatysqan ortalyqtyń ereksheligi – ınternet-alaıaqtardyń qurbany bolǵan azamattardyń aryzy bir jerden qabyldanyp, bir jerden tergeletin bolady. Buryn aryzdy qabyldaý, tergeýshige tapsyrýdyń ózi birshama ýaqyt alsa, endi onyń bári jedel oryndalyp, aqsha aınalymyna dereý tosqaýyl qoıylady.
«Osy arqyly biz qylmystyń sanyn azaıtamyz. Eń jaqsy amal – aldyn alý. Sondyqtan, halyqqa ınternet alaıaqtardan saqtaný joldary barynsha keń túsindirilýi kerek», dedi Polısııa departamentiniń bastyǵy Serik Ergeshov.
Ortalyq ınternet-alaıaqtyqqa qarsy kúresti kúsheıtip, qylmystyń aldyn alýmen qatar azamattardyń polısııaǵa degen senimin nyǵaıta túsýge sep bolmaq.
Internet alaıaqtyqtyń aldyn alýdyń eń tıimdi sharasy azamattardyń aqparattyq jáne quqyqtyq saýattylyǵyn arttyrý. Bul rette Qyzylorda oblysynyń Polısııa departamenti halyqty aqparattandyrý boıynsha aýqymdy jumystar júrgizip jatyr. Osynyń arqasynda aımaqta az ýaqyt ishinde alaıaqtyqtyń 60-tan astam deregi ashyldy.
