Foto: Úkimettiń baspasóz qyzmeti
О́ńir ákimdikteri barlyq konkýrstyq rásimderdi eki apta ishinde aıaqtap, jóndeý jumystaryna dereý kirisý qajet. Premer-Mınıstr basy artyq bıýrokratııaǵa jol bermeýdi talap etti.
«Basy artyq bıýrokratııaǵa jol berýge bolmaıdy. Bıyl iske qosý josparlanyp otyrǵan jańa jylý nysandary boıynsha barlyq jumysty tamyz aıynan keshiktirmeı aıaqtaý qajet. Ákimderge jylý nysandaryna apta saıyn baryp, jaǵdaıdy jeke baqylaýǵa alýdy jáne barlyq týyndaǵan táýekelder boıynsha shuǵyl áreket etýdi tapsyramyn», dedi Oljas Bektenov.
Energetıka jáne О́nerkásip mınıstrlikteri men óńirler ákimdikterine 10 maýsymǵa deıin jylytý maýsymyna daıyndyq josparyn naqtylaý tapsyryldy. Sonymen qatar, Úkimet basshysy soltústik, ortalyq jáne shyǵys óńirlerde daıyndyq 15 qyrkúıekke deıin, al basqa aımaqtarda 15 qazanǵa deıin tolyq aıaqtalýy tıis ekenin eskertti.
«KEGOC» kompanııasy Energetıka mınıstrligimen birlesip, 15 maýsymǵa deıin strategııalyq mańyzy bar jylý stansalary úshin qajetti jabdyqtardyń jumys rejımin bekitýi tıis. Jóndeý merzimin sozýǵa nemese jumys kólemin qysqartýǵa jol berilmeıdi. Buzýshylyqtarǵa jol bergen menshik ıeleri men basqarýshy kompanııalarǵa qatysty sharalar qabyldanady», dedi Premer-Mınıstr.
Sonymen qatar, Energetıka mınıstrligi men Kólik mınıstrligine jáne ákimdikterge 1 qyrkúıekke deıin jylý kózderi men qoımalarda qajetti otyn qoryn jınaqtaý tapsyryldy.
Aıta keteıik, jylytý maýsymyna daıyndyqtyń oryndalý barysyna Úkimet Apparaty turaqty baqylaý júrgizedi. Úılestirý jumysy Premer-Mınıstrdiń birinshi orynbasary Roman Sklıardyń jetekshiligimen atqarylady.
