Naýqas 1997 jyly týǵan. Úshinshi sábıine aıaǵy aýyr. Dárigerlerdiń aıtýynsha, pasıentti Jańaózen qalasynyń sanıtarlyq avıasııasymen oblystyq kópbeıindi aýrýhanasyna shuǵyl jetkizilgen. Jan-jaqty tekserýdiń nátıjesinde mıtraldy qaqpaqshanyń jedel ınfeksııalyq endokardıti, mıtraldy qaqpaqsha jetkiliksizdiginiń III-IV satysy. О́kpe gıpertenzııasy dıagnozy anyqtaldy. Kardıohırýrg dárigerler UǴKO mamandarymen telemedısınalyq keńes ótkizip, óńirlik deńgeıde operasııa jasaýǵa sheshim qabyldaǵan.
«Naýqasqa mıtraldy qaqpaqshasyn aýystyrý operasııasyn jasadyq. Maqsatymyz – anany da, balany da aman alyp qalý boldy. Sondyqtan operasııany tez jasaýǵa tyrystyq. Sebebi mundaı operasııa kezinde ananyń júrek soǵysy ýaqytsha toqtatylady. Sonymen qatar qan suıyltamyz. Bul da qursaqtaǵy balaǵa keri áserin tıgizýi múmkin. Operasııa kezinde akýsher-gınekologtar jatyrdaǵy balaǵa ÝDZ jasap, jaǵdaıyn turaqty baqylaýda ustady. Sonyń arqasynda qaýip bolmaı, jaqsy nátıjege qol jetkizdik», dedi Mańǵystaý oblystyq kópbeıindi aýrýhanasy júrek qan-tamyr hırýrgııasy bólimshesiniń meńgerýshisi Erbol Kýdabaev.
Naýqas operasııadan keıin jansaqtaý bóliminde emdelip, bólimshege shyǵaryldy. Qazir jaǵdaıy qalypty. О́zin jaqsy sezinip, óz betinshe qozǵala alady. Júktiligi jalǵasýda. Operasııany MOKA dırektorynyń orynbasary, kardıohırýrg Agzam Aldashev, Erbol Kýdabaevtar jasady. Olarǵa akýsher-gınekolog Iýlııa Dosahanova, anestezıolog-reanımatologtar Baqytjan Balgalyev, Máýlen Jumadillaev syndy óz isiniń bilgirleri járdemdesti.
