Foto: egemen.kz/ Erlan Omar
Indekstiń ádistemesi 56 ındıkator, tórt baǵyt boıynsha júrgiziledi: «Bala», «Otbasy jáne qoǵam», «Memlekettik saıasat» jáne «Eldiń ál-aýqaty». Olar densaýlyq saqtaý, bilim berý, áleýmettik qoldaý, damýǵa jaǵdaı jasaý jáne bala tárbıelep otyrǵan otbasylardyń jalpy ómir súrý deńgeıi sııaqty negizgi salalardy qamtıdy.
Mınıstrlik kórsetkishtiń ósýin aldyn alý jáne aqparattyq túsindirý sharalarynyń artýymen baılanystyryp otyr. Máselen, 2024 jyldyń basynan elimizdiń barlyq mektepterinde balalardyń quqyqtyq saýattylyǵyn arttyrý, quqyqtyq dıalog mádenıetin damytý jáne quqyqtardy qorǵaý júıesine senimderin nyǵaıtý maqsatynda «Men óz quqyǵymdy bilemin» aqparattyq aıdary iske qosylǵan.
Al áleýmettik zertteýler nátıjesinde oqýshylardyń basym bóligi quqyqtaryn biletinin jáne olar buzylǵan jaǵdaıda qaıda júginý kerek ekenin jaqsy túsinetinin kórsetken.
Aıta keteıik, balalar ál-aýqaty ındeksi - Memleket basshysynyń tapsyrmasymen úsh jyl buryn engizilgen eldegi bala jaǵdaıyn baǵalaýdyń strategııalyq quraly.
