«Tolyq adam» taǵylymy

Forým maqsaty – Abaıdyń «Tolyq adam» ilimin jastar ara­synda nasıhattaý, ulttyq qundy­lyqtardy dáripteý jáne zamanaýı kózqarastarmen baıla­nystyrý.

Mazmundy jıynnyń ashylýynda Shákárim ýnıversıtetiniń rektory Dýman Orynbekov is-sharaǵa qatysyp otyrǵan qaýymǵa quttyqtaý sózin arnap, forým jumysynyń mańyzyna toqtaldy.

«Memleket basshysy Qasym-Jomart Toqaev halyqqa Jol­da­ýynda Abaıdyń «Tolyq adam» ili­min jastardyń zııatkerlik tár­­bıesiniń ózegine aınaldyrý kerek­tigin basa aıtqan bolatyn. Bul úrdis mádenı bastama retinde emes, jaýapty, kemel, oıly azamatty qalyptastyrýdyń strategııalyq modeline aınalýǵa tıis. О́ıtkeni bul – qoǵam men memlekettiń turaqty damýy­nyń irgetasy. Búgingi forým hakim Abaıdyń «Tolyq adam» ilimin ulttyq jáne zamanaýı tur­ǵy­da tereńirek túsinip, ár qy­ry­nan taldap, mańyzyn zerde­leýge arnalyp otyr», dedi ol. Fo­rým­nyń plenarlyq otyrysynda Ǵylym jáne joǵary bilim mı­nıstr­ligi Joǵary jáne joǵary oqý or­nynan keıingi bilim komıteti tór­aǵasynyń orynbasary Aqerke Abylaıhanqyzy, Nazarbaev ýnı­versıtetiniń professory Gúltas Qurmanbaı, Astana qalasy bo­ıynsha Sot ákimshiligi departamenti basshysynyń orynbasary Qanat Ospanov jáne ­abaıtanýshy, áýezovtanýshy Ázimhan Isabek syndy ǵalymdar hakimniń «Tolyq adam» ilimi týraly parasatty sóz sabaqtady.

Ǵalym Gúltas Qurmanbaı Abaı­­­dyń taǵylymy mol qara­sóz­deri men óleńderindegi pálsapa­lyq oı-tujyrymdardy qazirgi kún­­men sabaqtastyra sóılep, dala danyshpanynyń murasy bú­gin­de tutas bir halyqtyń adas­tyr­mas temirqazyǵy, rýhanı qaı­na­ry, sarqylmas qazynasy bolyp otyr­ǵanyn jetkizdi. Ol Abaı ili­min zerdeleýdi jańa beleske kó­terý úshin jańa tehnologııaǵa beıim­deýimiz kerek deıdi.

Jıyn aıasynda «Abaı jas­tary» jastar ortalyǵy semınar-trenıng ótkizip, «TED talks» for­matynda óz oılarymen bó­listi. Sondaı-aq eń belsendi qaty­sýshylarǵa Ǵylym jáne joǵary bilim mınıstrliginiń alǵys haty men sertıfıkaty tabys etildi.

Is-shara sońynda forýmǵa kel­gen delegasııa ókilderi Abaı oblysynyń kıeli oryndary – Kúshikbaı memorıaly, Bórili, Syrt Qasqabulaq, Jıdebaı, Abaı-Shákárim keshenin aralap, rýhanı áser aldy.