Infografıkany jasaǵan – Amangeldi Qııas, «EQ»
Onda energetıka vıse-mınıstri Suńǵat Esimhanov, otyn jetkizý jáne ınjenerlik ınfraqurylymnyń jaı-kúıi týraly О́nerkásip jáne qurylys mınıstri Ersaıyn Naǵaspaev, «KEGOC» AQ basqarma tóraǵasy Nábı Aıtjanov ulttyq energetıkalyq júıeniń jumysy týraly, «Samuryq-Energo» kompanııasynyń basqarma tóraǵasy Qaırat Maqsutov energııa kózderindegi jóndeý jumystarynyń barysy týraly baıandama jasady.
«О́tken jylytý maýsymynda halyq pen kommýnaldyq-turmystyq sektor tolyǵymen kómirmen qamtamasyz etildi – 7,9 mln tonna, onyń ishinde halyqqa 5,7 mln tonna kómir jetkizildi», dep habarlady E.Naǵaspaev. О́ńirlerdegi qatty otyn qory shamamen 350 myń tonnany quraıdy. Aldaǵy kúzgi-qysqy maýsymǵa daıyndyq aıasynda elimizdegi elektr stansalarynda 10 energoblok, 63 qazandyq jáne 39 týrbınaǵa jóndeý jumysy josparlanǵan. Energetıka mınıstrliginiń málimetinshe, búginde 4 energoblok, 19 qazandyq pen 10 týrbınada túrli kezeńdegi jumys júrgizilip, 1 energoblok, 2 qazandyq pen 1 týrbınada jumys aıaqtaldy. Ortalyqtandyrylǵan jylýmen qamtý aımaǵyndaǵy 66 qazandyqtyń 44-in rekonstrýksııalaý josparlanyp otyr.
Premer-mınıstr О́tken jylytý maýsymy qalypty deńgeıde ótkenin, al qysta tehnologııalyq buzýshylyqtar sany 10%-ǵa tómendegenin atap ótti. Qabyldanǵan sharalar jylý stansalaryn jańǵyrtý jumystaryn qarjylandyrýdy 44%-ǵa, jylý jelilerine shamamen 30%-ǵa ulǵaıtýǵa múmkindik berdi.
«Memleket basshysynyń tapsyrmasymen eń aldymen 19 jylý ortalyǵyn jańǵyrtý jumystary aıaqtaldy. Tozyǵy jetken qalǵan barlyq jylý stansalary men jelilerin jóndeýdi jalǵastyrý qajet. Bizdiń mindetimiz – halyqty jylýmen jáne elektr energııasymen sapaly qamtamasyz etip, qoldanystaǵy jabdyqtardyń paıdalaný merzimin qaýipti deńgeıge jetkizbeý. Al ol úshin energııa kózderi men jelilerdiń negizgi jabdyqtaryn jóndeý jáne aýystyrý jumystaryn turaqty ári josparly túrde júrgizý qajet. Jóndeý naýqanynyń belsendi kezeńi endi bastalyp jatyr, sondyqtan aldaǵy jaz aılarynda kúsheıtilgen rejimde jumys isteý qajet. Arqany keńge salatyn ýaqyt joq. Barlyq jumys belgilengen merzimde jáne tolyq kólemde oryndalýǵa tıis. Talap qatań bolady», dep atap ótti O.Bektenov.
Úkimet tarapynan qajetti qoldaý kórsetilip jatqany basa aıtyldy. Premer-mınıstr osy aıda Astana, Kókshetaý, Rıdder jáne Qyzylorda qalalaryndaǵy jylý kózderin jańǵyrtý úshin rezervten 25 mlrd teńge bólý týraly qaýlyǵa qol qoıdy. Oljas Bektenov Úkimet bul qarajattyń tıimdi jumsalýyn jáne odan alynǵan nátıjeni baqylaıtynyn atap ótti.
Premer-mınıstr birqatar óńirdegi energııa kózderin jóndeý jumysynyń kesheýildeý qaýpine nazar aýdardy. Máselen, Semeı qalasynda qazandyqtardy jóndeý jumystary áli bastalǵan joq. Al Mańǵystaý oblysynda «MAEK»-tiń ekinshi Jylý ortalyǵyndaǵy týrbınany jóndeý tıisti jumys tájirıbesi joq qurylys kompanııasyna berilgen. Qostanaı oblysynda Rýdnyı jylý elektr ortalyǵyndaǵy týrbınany jóndeý de kesheýildep tur. Arqalyq jylý stansasyndaǵy qazandyqta da osyndaı jaǵdaı qalyptasyp otyr. Ulytaý oblysy Sátbaev qalasyndaǵy qazandyqtardy jóndeý jumysynyń qarqyny da tym baıaý.
«Mundaı kemshilikter óńirlerdiń bárinde derlik kezdesedi jáne ol tıisti baqylaýdyń joqtyǵyn bildiredi. Ákimdikter mınıstrlikterge siltep nemese qarajattyń joqtyǵyn, konkýrstardy syltaýratyp, jumysty nazardan tys qaldyrýǵa bolmaıdy. Jylytý maýsymyna daıyndyq – ákimdikterdiń aldaǵy úsh aı ishindegi negizgi mindeti», dep atap ótken Premer-mınıstr birqatar tapsyrma berdi.
О́ńir ákimdikterine barlyq konkýrstyq rásimdi eki apta merzimde aıaqtap, jóndeý jumysyna naqty kirisý qajettigi júkteldi. Bıyl iske qosý josparlanyp otyrǵan jańa jylý nysandary boıynsha barlyq jumysty tamyz aıynan keshiktirmeı aıaqtaý qajet.
Ákimderge jylý nysandaryna apta saıyn baryp, jaǵdaıdy jeke baqylaýǵa alý, barlyq týyndaǵan táýekelder boıynsha shuǵyl áreket etý tapsyryldy.
Energetıka jáne О́nerkásip mınıstrlikteri, óńir ákimdikteri 10 maýsymǵa deıin jylytý maýsymyna daıyndyq josparlaryn naqtylasyn. Soltústik, ortalyq jáne shyǵys óńirlerde barlyq ınjenerlik ınfraqurylym men turǵyn úı-kommýnaldyq sharýashylyq nysandary 15 qyrkúıekke deıin, al qalǵan óńirlerde 15 qazanǵa deıin tolyqtaı ázir bolýǵa tıis.
«KEGOC» kompanııasyna Energetıka mınıstrligimen birlesip, 15 maýsymǵa deıin aldaǵy jylytý maýsymynda ulttyq mańyzy bar stansalarǵa arnalǵan jabdyqtardyń jumys rejimin bekitý tapsyryldy. Jóndeý merzimin aýystyrýǵa nemese jumys kólemin azaıtýǵa jol berilmeıdi. Premer-mınıstr árbir fakt boıynsha menshik ıelerine, sol sııaqty basqarýshy kompanııalarǵa qatysty sharalar qabyldanatynyna nazar aýdardy.
Energetıka mınıstrligi Kólik mınıstrligimen jáne ákimdiktermen birlesip, 1 qyrkúıekke deıin jylý kózderi men tuıyqtarda otyn qoryn aldyn ala jınaqtaýdy qamtamasyz etýi qajet.
Úkimet apparatyna óńirlerdiń jylý berý maýsymyna ázirlik barysyna turaqty negizde baqylaý jasaý mindeti júkteldi.
