Foto: Aqorda
Prezıdent Germanııany Qazaqstannyń Eýropa Odaǵyndaǵy negizgi strategııalyq seriktesi retinde atap, bul el ekonomıkamyzdyń jetekshi ınvestorynyń biri sanalatynyn aıtty.
«Germanııa – biz úshin mańyzdy el, Eýropadaǵy negizgi seriktesimiz. Sizderdiń memleketpen yntymaqtastyqqa aıryqsha mán beremiz. Osy oraıly sátti paıdalana otyryp, Germanııaǵa jasaǵan saparym týraly oıymmen bóliskim keledi. О́zim burynnan jaqsy biletin Shtaınmaıer myrzamen kelissóz júrgizdim. Al parlamentaralyq baılanystarǵa keletin bolsaq, men yqpaldastyqtyń bul baǵytyn qoldaımyn», dedi Qazaqstan Prezıdenti.
Memleket basshysy mártebeli meımanǵa elimizdiń ekonomıkalyq saıasatynyń basym baǵyttary jaıynda áńgimelep berdi.
«Qazir iri ınfraqurylymdyq jobalardy, sıfrlandyrý jáne jasandy ıntellektti damytýǵa kúsh salý kerek dep oılaımyz. Sonymen qatar kólik-logıstıka jáne aýyl sharýashylyǵy salalaryn da órkendetý qajet», dedi Qasym-Jomart Toqaev.
Prezıdent Qazaqstan sońǵy jyldary aýqymdy saıası reformalar júrgizgenin jetkizdi.
«Zańnamaǵa, eń áýeli, Konstıtýsııaǵa jasalǵan ózgerister Qazaqstannyń jańǵyrý jolyna túbegeıli túskenin kórsetedi. Árıne, reformalar jalǵasyp jatyr. Quqyq qorǵaý jáne sot júıesine de ózgerister engizilýi múmkin. Bul – óte mańyzdy. Biraq memlekettiń qurylymy, men bul jerde prezıdenttik basqarý júıesi týraly aıtyp otyrmyn, burynǵy qalpynda saqtalady. О́ıtkeni qazirgideı almaǵaıyp kezeńde memlekettiń sıpaty osyndaı bolýǵa tıis. Bul bizdiń túsinigimizge saı keledi», dedi Memleket basshysy.
Anke Relınger kezdesýge múmkindik jasaǵany úshin Qasym-Jomart Toqaevqa alǵys aıtyp, eki el ıgiligi jolynda ortaq maqsattardy ilgeriletýge daıyn ekenin jetkizdi.
Kezdesýde Qazaqstan men Germanııa arasyndaǵy saýda-ekonomıkalyq, ınvestısııalyq jáne mádenı-gýmanıtarlyq yntymaqtastyqty nyǵaıtý máseleleri talqylandy.«Oı-pikir almasýǵa ýaqyt bólgenińiz úshin kóp raqmet. Sizdiń ystyq yqylasyńyzdy Federaldyq Prezıdent Shtaınmaıerge jetkizemin. Ol – Qazaqstan men Ortalyq Azııanyń shynaıy dosy. Qazaqstan orta derjava retinde bizdiń osy óńirdegi negizgi seriktesimiz», dedi Germanııa Býndesratynyń Prezıdenti.
