Foto: Ashyq derekkóz
Izraıl bıligi Vashıngtonǵa Irannyń ıadrolyq baǵdarlamasyna qatysty alańdaýshylyq bildirip, shabýyl jasaýǵa daıyn ekenderin jetkizgen. Tel-Avıv Tegerannyń ýran baıytý jumystaryn tolyq toqtatyp, ıadrolyq ınfraqurylymyn joıýdy talap etip otyr.
Izraıl tarapynyń alańdaýyna sebep Tramp ákimshiliginiń Iranmen jańa ıadrolyq kelisim jasasýǵa degen umtylysy. Izraıl mundaı kelisim Iranǵa ıadrolyq qarýǵa qol jetkizý jolyn jaba almaıdy dep esepteıdi.
Osyǵan oraı, 23 mamyr kúni Italııanyń Rım qalasynda Iran men AQSh arasyndaǵy ıadrolyq kelissózderdiń besinshi kezeńi ótti. Bul kezdesýge araaǵaıyn retinde Oman memleketi deldaldyq etken. Oman syrtqy ister mınıstri Badr al-Býsaıdı kelissózderde «naqty, biraq tolyq emes progress» bar ekenin atap ótti.
Iran syrtqy ister mınıstriniń orynbasary Abbas Aragchı aldaǵy kezdesýlerde Tegeran men Vashıngton ózara oń nátıjelerge qol jetkizýdi maqsat etip otyrǵanyn málimdedi.
The Axios portalynyń málimetinshe, Donald Tramp Izraıl premer-mınıstri Bınıamın Netanıahýǵa Iranmen kelissózderge kedergi keltiretin kez kelgen áskerı áreketten bas tartýdy suraǵan. Degenmen, Izraıl tarapy óziniń ulttyq qaýipsizdigine tónetin qaýipke qarsy turýǵa daıyn ekenin bildirip otyr.
