Foto: Ashyq derekkóz
«Memlekettik arnaıy qyzmetker retindegi ókilettigim aıaqtalýǵa jaqyn. Osy múmkindikti paıdalanyp, artyq shyǵyndardy azaıtýǵa múmkindik bergeni úshin prezıdent Donald Trampqa alǵys aıtqym keledi», dep jazdy X-tegi paraqshasynda.
Sonymen qatar Ilon Mask DOGE mıssııasy ýaqyt óte kele nyǵaıa túsetinin jáne onyń memlekettik basqarýdaǵy ómir saltyna aınalatynyn atap ótti.
Buǵan deıin CBS telearnasyna bergen suhbatynda Mask Tramp ákimshiliginiń «úlken ári ádemi» dep sıpattalǵan salyq jáne bıýdjet zańyna kóńili tolmaıtynyn aıtqan edi. Onyń pikirinshe, bul zań únemdeý sharalaryna kedergi keltirip, bıýdjet tapshylyǵyn arttyrady.
20 qańtarda Tramp qyzmetke kirisken soń, Mask arnaıy memlekettik qyzmetker retinde taǵaıyndalǵan bolatyn. Bul laýazym oǵan jylyna 130 kún memlekettik qyzmette jumys isteýge múmkindik berdi. Bul merzim mamyr aıynyń sońynda aıaqtalady.
Sáýir aıynda Mask óziniń jeke kompanııalaryna kóbirek kóńil bóletinin aıtyp, DOGE jumysyna aptasyna bir-eki kún ǵana arnaýdy josparlaǵanyn jetkizgen edi. Keıinirek ol saıası jobalarǵa jasalatyn qaıyrymdylyqty da qysqartatynyn málimdegen.
Masktyń bastamasymen ondaǵan myń memlekettik qyzmetker jumystan bosatylyp, birneshe agenttik pen vedomstvo jabylǵanymen, kútken nátıjelerge qol jetkizilmegen.
«Federaldy bıýrokratııanyń jaǵdaıy men oılaǵannan da nashar eken. Máselelerdiń baryn bildim, biraq Vashıngtondaǵy jaǵdaıdy jaqsartý – óte qıyn mindet», degen edi Mask.
