Foto: Aqorda
Parıj kelisimi men 2030 kún tártibi — álem úshin mańyzdy baǵyttar ekenin atap ótken Pan Gı Mýn, Qazaqstannyń bul saladaǵy belsendi ustanymyn erekshe atap ótti.
«Sizderdiń turaqty damý men klımattyń ózgerýi máselelerine qosqan úlesterińizdi qoldaımyn. Bıylǵy forýmnyń «Ideıalardy biriktire, bolashaqty qalyptastyra» taqyryby – dál qazir bizge qajet kóshbasshylyqtyń kórinisi», dedi BUU-nyń eks-bas hatshysy.
Pan Gı Mýn jahandyq ekologııalyq jáne klımattyq syn-qaterler tek birlesken halyqaralyq yntymaqtastyq arqyly ǵana sheshiletinin aıtty.
«Qandaı myqty nemese resýrstarǵa baı bolmasyn, birde-bir el jalǵyz ózi klımattyq ózgerister men ekologııalyq daǵdarysty eńsere almaıdy. Mundaı qaýipter saıası ıdeologııalardyń nemese kez kelgen jasandy qurylymdardyń shekarasynan tys», dedi Pan Gı Mýn.
Ortalyq Azııadaǵy óńirlik seriktestikke de erekshe nazar aýdarǵan Pan Gı Mýn Samarqandtaǵy klımat forýmyn mysalǵa keltirip, Qazaqstannyń belsendiligin joǵary baǵalady.
Pan Gı Mýnnyń pikirinshe, Qazaqstannyń taza energetıkaǵa ınvestısııa salýy – eldiń uzaq merzimdi, ornyqty damýyna jol ashatyn mańyzdy faktor:
«Qazaqstan jańartylatyn energııa kózderine ınvestısııalaý arqyly turaqty bolashaqqa naqty qadam jasap otyr. Bul – ózge elderge úlgi bolarlyq tájirıbe», dedi ol.
