Foto: Ashyq derekkóz
Búgin ótken sot otyrysynda jábirlenýshi taraptyń advokaty Meıirman Shekeev óz qorǵaýyndaǵy tarap – Qarjaýbaı Nurymov, onyń jubaıy Gúlbara Bıshımbaeva jáne Sherzattyń ájesi Jumabıke Qadyrovanyń atynan azamattyq talap aryzdy jarııa etti. Atap aıtsaq:
- Qarjaýbaı Nurymovtyń paıdasyna ulynyń jerleý rásimine jumsalǵan shyǵyn retinde Abzal Shynasyldan 2 mln 794 myń teńge materıaldyq shyǵyn óndirý;
- Abzal Shynasyl men Ravıl Sakıevten Qarjaýbaı Nurymovtyń paıdasyna buzaqylyq saldarynan kelgen moraldyq zııan úshin 100 mıllıon teńge (árqaısysynan 50 mıllıon teńgeden);
- Osy ekeýinen Gúlbara Beıshenbıevanyń paıdasyna – 100 mıllıon teńge (solıdarly túrde);
- Osy ekeýinen Jumabıke Qadyrovanyń paıdasyna – 100 mıllıon teńge (solıdarly túrde).
- Shyńǵys Belgojaev, Darhan Áskentaev, Nurkııas Ilııasov, Dıdar Qalıahmet, Azamat jáne Nurbol Toqtaýbaevtardan Qarjaýbaı Nurymovtyń paıdasyna árqaısysynan 20 mıllıon teńgeden, barlyǵy – 120 mıllıon teńge.
- Osy tulǵalardyń árqaısysynan Gúlbara Beıshenbıevaǵa da 20 mıllıon teńgeden, jalpy – 120 mıllıon teńge.
- Sol tulǵalardyń árqaısysynan Jumabıke Qadyrovaǵa da 20 mıllıon teńgeden, jalpy – 120 mıllıon teńge.
Osylaısha, otbasy moraldyq zııannyń jalpy kólemin 662 794 myń teńgege baǵalap otyr.
