О́ńirdiń týrızm salasyn ilgeriletý maqsatynda jalpy quny 17,6 mlrd teńgeni quraıtyn 25 ınvestısııalyq jobany iske asyrýdyń nátıjesinde, 350 jańa jumys ornyn qurýǵa múmkindik týady. Osy jyly týrısterdiń suranysyn qanaǵattandyratyn 3 demalys aımaǵyn iske qosý boıynsha naqty jumystar jasaldy.
Joǵaryda aıtylǵan jobalardyń alǵashqysy iske qosyldy. «Tekturmas» etno-tarıhı kesheninde ornalasqan «Kóne Qamal» qorǵany saltanatty túrde ashyldy. Bul nysan etno-tarıhı keshenniń jalǵasy. Jańa nysannyń oń jaq qabyrǵasy jasandy tastarmen ádiptelgen. Uzyndyǵy 220 metrdi quraıtyn qorǵanmen qorshalǵan. Munda ortaǵasyrlyq qorǵandar men dýaldardyń kórinisteri ýaqyt suranysyna saı kórkem beınelermen tolyqtyrylǵan.
Qazirgi kezde óńirde 18 týrıstik bıznes sýbektisine memlekettik qoldaý sharalary kórsetilip jatyr. Jalpy, oblys aýmaǵynda 40 týrıstik nysan bar. Olarǵa keletin týrısterdi qoldaý úshin 10 jańa týrıstik marshrýt ázirlengen. Qazir osy marshrýttaǵy nysandardyń ınfraqurylymyn jaqsartý jumystary júrip jatyr.
Jalpy uzyndyǵy 34,8 shaqyrymdy quraıtyn 3 týrıstik nysanǵa aparatyn jol qurylysyn júrgizýge jergilikti bıýdjetten qarjy qaralyp, jol salý jumystary qarqyn aldy.
Máselen, Jýaly aýdanyndaǵy «Kóksaı Resort» demalys ortalyǵyna baratyn avtojoldyń qurylysy (19,5 shaqyrym) osy jyldyń maýsym aıynyń basynda tolyq aıaqtalady dep josparlanǵan.
Jambyl aýdanyndaǵy «Taskól» týrıstik nysanyna deıingi 2,8 shaqyrym jerge jol tóseldi. Qazirgi tańda jol jıegi abattandyrylyp jatyr.
Sondaı-aq «Almaly» demalys ornyna aparatyn 12,5 shaqyrym joldyń 7,5 shaqyrymy tóselip, aınalasy abattandyryldy. Qalǵan 5 shaqyrym jol qurylysyn maýsym aıyna deıin aıaqtaý kózdelip otyr.
Jambyl oblysy
