Bul jınaqqa aqynnyń osydan jıyrma jyl buryn jazylǵan «Daıdıdaý» atty poemasy engen. Onyń jazylýyna halyq áni – «Daıdıdaýdyń» áseri erekshe tıgen. Kitapqa án ataýyn alýy da beker emes. Avtor poemany qazaqtyń ǵajaıyp aqyny Maǵjan Jumabaevqa arnap jazǵan. Oǵan qosyla almaǵan ǵashyqtardyń armany, muń-zary, ókinishi arqaý bolǵan. Shyǵarma alǵash ret oblystyq «Qostanaı tańy» gazetine basylǵan.
Búginge deıin atalǵan týyndyny halyq áni dep bilemiz. Alaıda keıbir zertteýshiler ony jazǵan Maǵjan Jumabaev desedi. Kim biledi? Bir jaǵynan, muńly da syrly, áýezdi sulý shyǵarmany alyp aqyndiki degenge senesiń.
Qazir bul án Dımash Qudaıbergen arqyly dúıim elge tanyldy.
Abylaıdyń ózi dúldúl ánshi «Daıdıdaýdyń» baǵyn ashqanyn aıtady.
– Ol ánniń boıyndaǵy qudiretti minsiz etip jetkize bildi. Bul – Uly dala týǵyzǵan án. Ánde tek yntyzar ǵashyqtardyń ókinishi ǵana emes, basy buǵaýǵa túsken halyqtyń muń-zary, erkindik ańsaǵan armany jatyr. «Daıdıdaý» meniń de abyroıymdy asyrdy. Kóp ýaqyt elenbeı kelgen týyndym «Amanat» degen atpen aqyn Maǵjan Jumabaevtyń 130 jyldyǵynda eki birdeı respýblıkalyq júldeni qanjyǵama baılap, mereıimdi tasytty. Ádebı ortanyń nazaryna ilindim. Men ózimdi Maǵjan atamnyń rýhyna, osy bir tamasha ánge, ony tamsana tyńdaǵan, qosyla shyrqaǵan barsha tyńdarmanǵa qaryzdar sezindim. «Daıdıdaý» Dımashtyń oryndaýynda úlken sahnalardan bólek, mańyzdy otyrystarda da shyrqalyp júr. Demek bul án ǵana emes – elshi. Beıbitshilik elshisi. Meniń kitabymnyń kózdegeni de izgilik, dostyq, – deıdi ol.
Tórt tilde shyqqan jınaq «Mazmundama» baspasynan jaryq kórdi.
