Foto: Aqorda
«Sizdiń bul saparyńyz – ekijaqty yntymaqtastyǵymyzdaǵy aıtýly oqıǵa. Biz ózara baılanysqa, dostyq pen senimge qurylǵan qarym-qatynasqa aıryqsha mán beremiz. Italııa Qazaqstannyń álemdegi saýda seriktesteriniń úshtigine kiredi jáne Eýropadaǵy iri áriptesimiz. Bul beker emes. Ekijaqty yntymaqtastyqtyń joǵary qarqynyn saqtaýymyz qajet. Sizdiń saparyńyz qos el arasyndaǵy kópqyrly yqpaldastyqty damytýǵa tyń serpin beretini sózsiz», dedi Qasym-Jomart Toqaev.
Memleket basshysy Astana halyqaralyq forýmynyń arnaıy sessııasyna qatysqany úshin Italııa Premer-mınıstrine rızashylyǵyn bildirdi.
О́z kezeginde Djordja Melonı bul sapardyń Qazaqstan men Italııa qarym-qatynasyn jandandyrýǵa yqpal etetinin aıtty.
«Elińizge shaqyryp, qonaqjaılyq tanytqanyńyz jáne Astana halyqaralyq forýmynda sóz sóıleýge múmkindik jasaǵanyńyz úshin taǵy da alǵys aıtamyn. Bul forým dıalog úshin mańyzdy alańdardyń birine aınalyp keledi. Biz Qazaqstandy Italııanyń strategııalyq seriktesi, al Ortalyq Azııa óńirin strategııalyq turǵydan mańyzdy toǵyz joldyń toraby retinde qarastyramyz. Bizge dıalog qajet. Muny О́zińiz de jaqsy túsinesiz. Qazaqstan – Italııanyń kóptegen sala boıynsha mańyzdy áriptesi. Eki el arasyndaǵy yntymaqtastyq tabysty damyp keledi. Áıtse de, keshe aıtqanymdaı, energetıkadan bastap mádenıetke deıin, ýnıversıtetterdiń tájirıbe almasýy, halyqtar arasyn jaqyndatý baǵyttarynda budan da joǵary nátıjege qol jetkizýge múmkindik bar», dedi Italııa Premer-mınıstri.
Kezdesýde saýda-ekonomıkalyq jáne ınvestısııalyq yqpaldastyqty keńeıtý perspektıvasy talqylandy. Energetıka, asa mańyzdy materıaldar, aýyl sharýashylyǵy, ónerkásip, kólik-logıstıka, sonymen qatar jańartylatyn qýat kózderi salalarynda baılanys ornatý máseleleri egjeı-tegjeıli qarastyryldy. Budan bólek, óńirlik jáne halyqaralyq kún tártibine qatysty pikir almasty.
