Kezdesýde taraptar eki memlekettiń kóshbasshylary deńgeıinde qalyptasqan ekijaqty turaqty yntymaqtastyq serpinin atap ótti. Serik Jumanǵarın Qazaqstan Serbııany Ortalyq Eýropadaǵy mańyzdy saýda áriptesi retinde tanıdy. Saýda-ekonomıkalyq baılanystarǵa erekshe nazar aýdarylyp otyr: 2024 jylǵy qorytyndy boıynsha eki el arasyndaǵy taýar aınalymy 9,7%-ǵa artyp, 1$00 mln-ǵa jetti. Bul rette qazaqstandyq eksport 39,4%-ǵa ósti. 2025 jylǵy qańtar–naýryzdaǵy ózara saýdanyń ósýi 30%.
Kezdesýge qatysýshylar Úkimetaralyq komıssııa men Iskerlik keńestiń áleýetin iske qosýdyń, sondaı-aq negizgi ekijaqty jobalardy iske asyrýdyń, atap aıtqanda Astana men Belgrad arasynda tikeleı áýe qatynasyn ornatýdyń mańyzdylyǵyn atap ótti. SCAT qazaqstandyq avıakompanııasy marshrýtty pysyqtaýǵa kirisip te ketti. Qazaqstan Serbııa tarapynan, sonyń ishinde áýe tasymalyndaǵy besinshi erkindik quqyǵyn berý múmkindigin de qamtıtyn qoldaýǵa senedi.
Bir kún buryn AHF alańynda Serik Jumanǵarın Horvatııanyń ekonomıka mınıstri Ante Shýshnıarmen kezdesken edi. Taraptar, ásirese, energetıka salasyndaǵy ekijaqty qatynastardy, ekonomıkalyq yntymaqtastyqty odan ári nyǵaıtýdy talqylady. Eki jaq, sondaı-aq, ınfraqurylymdyq jobalar, IT-sektor, aýyl sharýashylyǵy men farmasevtıka ónerkásibi salasyndaǵy yntymaqtastyqty damytýǵa múddeli ekenderin bildirdi.
