TALDYQORǴAN. 6 mamyr. Almaty oblysy Qapshaǵaı qalasyndaǵy Dańq Memorıaly janynda Uly Otan soǵysy qurbandaryn eske alýǵa arnalǵan mıtıng boldy. Bul týraly egemen.kz tilshisi habarlady.
Eske alý sharasyna soǵys ardagerleri, áskerı qyzmetkerler men ınternasıonalıst jaýyngerler, Qazaqstandaǵy Reseı konsýldyǵynyń ókilderi jáne jetisýlyqtar qatysty. Saltanatty jıynda belgilengen tártipke oraı elimizdiń kók baıraǵy jelbirep, ánurany shyrqalǵan soń, máńgilik alaý tutatyldy. Volokolamsk qalasynan arnaıy ákelingen jer kapsýlasy ornatylyp, gúl shoqtary qoıyldy. «Jeńis kúni – bárimiz úshin aıryqsha qymbat, qasıetti mereke. Bul sol Jeńisti jaqyndatý úshin jan aıamaı shaıqasyp, qan maıdannan oralmaǵan arystarymyzdy eske alatyn kún», – dedi Almaty oblysy ákiminiń orynbasary Baqtııar О́nerbaev.
Nurbol Áldibaev
Derek, sýret: egemen.kz.
