Eksport áleýeti saralandy

Kólik-logıstıka, geologııalyq barlaý, aýyl sharýashylyǵy, sıfrlandyrý, densaýlyq saqtaý, bilim berý jáne taǵy basqa salalardaǵy ózara is-qımyldy keńeıtýge nazar aýdaryldy.

Qazaqstan Aýǵanstannyń negizgi saýda seriktesteriniń ondyǵyna kiredi. О́tken jyly taýar aınalymy 545,2 mln dollardy qurady, onyń ishinde qazaqstandyq ónimniń eksporty – 527,7 mln dollar.

Týrgýndı-Gerat transaýǵan temir jolyn salý máseleleri talqy­landy. Jobany iske asyrý óńir úshin strategııalyq mańyzǵa ıe. Aýǵanstan Ortalyq jáne Ońtústik Azııa arasyndaǵy kópir bolyp sanalady jáne «Soltústik-Ońtústik» dáliziniń tıimdiligin arttyrýda mańyzdy ról atqara alady. Aýǵanstan aýmaǵynda qatty paıdaly qazbalardy geologııalyq barlaý, óndirý jáne óńdeý boıynsha birlesken jobalardy iske asyrýǵa otandyq kompanııalardyń qatysý josparlary qaraldy.

«Qazaqstan óńirdiń ornyqty damýy úshin halyqaralyq qoǵam­das­tyqtyń kúsh-jigerin shoǵyrlan­dyrýǵa umtylady. Búginde elimiz Aýǵanstannyń negizgi saýda serik­tes­teriniń ondyǵyna kiredi jáne Aýǵanstandaǵy azyq-túlik daǵdarysyn eńserý boıynsha halyqaralyq seriktestermen jáne uıymdarmen belsendi yntymaqtasady. Qazaqstan Aýǵanstan naryǵyna astyq pen un­nyń senimdi jetkizýshisi bolyp qala beredi. Astyqtyń basqa túr­lerin, mal sharýashylyǵy ónimderin, kondı­terlik jáne un ónimderin jetkizýdi bastaýǵa daıynbyz. Jalpy, biz taýarlar nomenklatýrasyn keńeıtýge múdde­­li­­miz. Sol úshin Geratta da «Qazaq­stannyń saýda úıin» ashtyq jáne Kabý­lda da qazaqstandyq saýda úıin ashýǵa nıettimiz», dedi O.Bektenov.

Nýrıddın Azızı Aýǵanstannyń Qazaqstanmen birlesken jobalardy iske asyrý salasyndaǵy ózara is-qı­myldy keńeıtýge múddeliligin jet­kizdi. Kezdesýge qatysýshylar otan­dyq aýyl sharýashylyǵy tehnıkasyn Aýǵanstan naryǵyna eksporttaý keleshegin erekshe atap ótti.

Budan bólek, jaqynda Almatyda ashylǵan BUU О́ńirlik ortalyǵynyń Ortalyq Azııa jáne Aýǵanstan úshin ornyqty damý maqsattary jónindegi qyz­­me­tine nazar aýdaryldy, ol óńir­diń tu­raqtylyǵyn nyǵaıtýǵa jáne qar­­qyndy damýyna eleýli úles qosady.

Kezdesý qorytyndysy boıynsha taraptar barlyq baǵyttar boıyn­sha jan-jaqty ózara tıimdi yntymaq­tastyqty nyǵaıtý nıetterin jetkizdi.