Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  № 43

2015 jylǵy 30 qańtar, Astana qalasy Iondandyrýshy sáýlelený áserine ushyraǵan adamdardyń qany men tinderin alý, saqtaý jáne paıdalaný qaǵıdalaryn bekitý týraly «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 7-babynyń 1-tarmaǵynyń 82-tarmaqshasyna sáıkes buıyramyn: 1. Qosa berilip otyrǵan Iondandyrýshy sáýlelený áserine ushyraǵan adamdardyń qany men tinderin alý, saqtaý jáne paıdalaný qaǵıdalary bekitilsin. 2. Medısınalyq kómekti uıymdastyrý departamenti: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kúnniń ishinde buqaralyq aqparat quraldarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsyna ornalastyrylýyn qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin. 4. Osy buıryq ony alǵashqy resmı jarııalaǵan kúninen bastap kúntizbelik on kún ótken soń qoldanysqa engiziledi. Mınıstr T. DÚISENOVA. Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 30 qańtardaǵy №43 buıryǵymen bekitildi Iondandyrýshy sáýlelený áserine ushyraǵan adamdardyń qany men tinderin alý, saqtaý jáne paıdalaný qaǵıdalary 1. Jalpy erejeler 1.Osy Iondandyrýshy sáýlelený áserine ushyraǵan adamdardyń qany men tinderin alý, saqtaý jáne paıdalaný qaǵıdalary (budan ári - Qaǵıdalar) ıondandyrýshy sáýlelený áserine ushyraǵan adamdardyń qany men tinderin (budan ári – bıologııalyq materıal) alý, saqtaý jáne paıdalaný tártibin aıqyndaıdy. 2.Iondandyrýshy sáýlelený áserine ushyraǵan adamdardyń bıologııalyq materıalyn alýdy, saqtaýdy jáne paıdalanýdy densaýlyq saqtaý uıymdary júzege asyrady. 3.Bıologııalyq materıal mynadaı ıondandyrýshy sáýlelený áserine ushyraǵan adamdardan alynady: «Radıasııalyq qaýipsizdikke qoıylatyn sanıtarııalyq-epıdemıologııalyq talaptar» Qazaqstan Respýblıkasy Úkimetiniń 2012 jylǵy 2 aqpandaǵy № 201 qaýlysymen bekitilgen gıgıenalyq normatıvterimen (budan ári – gıgıenalyq normatıvter) belgilengen radıasııalyq apatty joıý kezinde uıǵaryndy mólsherden artyq sáýle alǵan adamdardan; Iondandyrýshy sáýlelendirý kózderinen osy sálelenýmen baılanysty aýrýlary bar personal men adamdar úshin gıgıenalyq normatıvtermen belgilengen mólsherlik shekteýden artyq sáýlelenýdiń tıimdi mólsherin alǵandardan; 1949 — 1965 jyldar aralyǵynda áýedegi jáne jerdegi ıadrolyq jarylystardy júrgizý kezinde radıoaktıvti zattarmen lastanǵan aýmaqtarda turǵan, jumys istegen nemese qyzmetin (onyń ishinde merzimdi) ótegen adamdardan; 1966 — 1990 jyldar aralyǵynda jer asty ıadrolyq jarylystaryn júrgizý kezinde radıoaktıvti zattarmen lastanǵan aýmaqtarda turǵan, jumys istegen nemese qyzmetin (onyń ishinde merzimdi) ótegen adamdardan; ıondandyrýshy sáýlelený áserine ushyraǵan adamdardyń balalary men barlyq keıingi urpaqtarynan. 2.Iondandyrýshy sáýlelený áserine ushyraǵan adamdardan bıologııalyq materıal alý 4.Iondandyrýshy sáýlelený áserine ushyraǵan adamdardan bıologııalyq materıal alý olardyń erikti túrde habardar etilgen kelisimi bolǵanda jáne aldyńǵy úsh aı ishinde qan preparattaryn quıý jáne rentgendik zertteýler júrgizilmegen jaǵdaıda júzege asyrylady. 5.Bıologııalyq materıal alýdy emdik-dıagnostıkalyq manıpýlıasııalar júrgizý (bıopsııalyq materıaldy alý, onkologııalyq aýrýlar boıynsha ota jasaý) kezinde densaýlyq saqtaý uıymdarynyń mamandary júrgizedi. 6.Qan Qazaqstan Respýblıkasy Densaýlyq saqtaý mınıstriniń m.a. 2009 jylǵy 6 qarashadaǵy № 666 buıryǵymen (Normatıvtik quqyqtyq aktilerdi memlekettik tirkeý tiziliminde № 5925 bolyp tirkelgen) bekitilgen Qandy jáne onyń komponentterin daıyndaý, óńdeý, saqtaý,ótkizý erejelerine sáıkes kóktamyrdan alynady. 7.Bıologııalyq materıaldy alý kezinde ony tańbalaý júrgiziledi. 8.Bıologııalyq materıaldy alý kezinde mynadaı aqparattan turatyn ilespe qujattar toltyrylady: zerttelýshi adamnyń tólqujat derekteri, turǵylyqty jeri, bıologııalyq materıal alynǵan kún, densaýlyq jaǵdaıy týraly málimetter (basynan ótkizgen aýrýlar, sozylmaly jáne qaterli aýrýlardyń bolýy, rentgendik zertteýlerinen ótkeni, dárilik preparattardy ishkeni, ishimdikke salynýy týraly), jaqyn týystarynyń densaýlyq jaǵdaıy týraly aqparat (basynan ótkizgen aýrýlardyń anamnezi, qaterli jańa óskinderdiń, sozylmaly aýrýlardyń bolýy). 9.Bıologııalyq materıal úlgilerin saqtaý ornyna deıin tasymaldaý Selsıı boıynsha +4-ten +6 gradýsqa deıingi temperatýralyq rejım saqtala otyryp júzege asyrylady. 3.Iondandyrýshy sáýlelený áserine ushyraǵan adamdardyń bıologııalyq materıalyn saqtaý jáne paıdalaný 10.Bıologııalyq materıal densaýlyq saqtaý uıymynda saqtalady. 11.Qan úlgilerin jáne tinderdiń úlgileri salynǵan balaýyz bloktardy saqtaý Selsıı boıynsha +5-ten +22 gradýsqa deıingi temperatýralyq rejım saqtalatyn jeke úı-jaılarda júzege asyrylady. 12.Qan úlgileri muzdatýdyń jáne jasýshalyq materıaldy saqtaýdyń avtomattandyrylǵan júıesinde suıyq azotta nemese Selsıı boıynsha -135-ten -196 gradýsqa deıingi temperatýralyq rejım saqtalatyn tereń qatyrylatyn tońazytqysh qondyrǵylarda saqtalady. 13.Árbir qan úlgisi arnaıy saýyttarda - krıotútikterde nemese krıoshıshalarda saqtalady. 14.Saqtaýǵa arnalǵan saýyttar azottyń deńgeıin jáne onyń tolý ýaqytyn baqylaýǵa múmkindik beretin avtomatty dabyl júıesimen jabdyqtalýy tıis. 15.Bıologııalyq materıal úlgilerin saqtaýǵa arnalǵan arnaıy jabdyqqa qyzmet kórsetýdi osy jabdyqpen jumys isteýge ruqsaty bar qyzmetkerler júzege asyrady. 16.Bıologııalyq materıaldy saqtaý kezinde temperatýralyq rejımge turaqty baqylaý júrgiziledi. 17.Elektr jabdyǵy jaramdy jaǵdaıda bolady, jeke úı-jaıda ornalasady jáne úzdiksiz, rezervtik qorektendirýmen qamtamasyz etiledi. 18.Bıologııalyq materıal týraly málimetter bıologııalyq materıaldy saqtaýdy júzege asyratyn densaýlyq saqtaý uıymynyń bazasynda qurylatyn elektrondyq derekqorǵa engizilýi tıis. Saqtaýǵa berilgen bıologııalyq materıalǵa mynadaı aqparat kórsetilgen sáıkestendirý kody taǵaıyndalady: zerttelýshi adamnyń tólqujat derekteri, turaqty turǵylyqty jeri, bıologııalyq materıaldyń túri, bıologııalyq materıal alynǵan kún. 19.Bıologııalyq materıaldyń elektrondyq derekqory Iondandyrýshy sáýlelený áserine ushyraǵan adamdardyń bıologııalyq materıalynyń tirkelimi túrinde resimdeledi. 20.Iondandyrýshy sáýlelený áserine ushyraǵan adamdardyń bıologııalyq materıaly ǵylymı uıymdar nemese ǵylymı qyzmetti júzege asyratyn zertteýshiler arqyly ǵylymı maqsattarda paıdalanylady. 21.Bıologııalyq materıaldy alý úshin bıologııalyq materıaldy saqtaýdy júzege asyratyn densaýlyq saqtaý uıymyna mynadaı qujattar usynylady: bıologııalyq materıal úlgisiniń mólsheri jáne zertteý merzimi kórsetilgen ótinish; ótinishter kelip túsken kúninen bastap 7 jumys kúni ishinde qaralady. Bıologııalyq materıaldy saqtaýdy júzege asyratyn densaýlyq saqtaý uıymynyń basshysy bıologııalyq úlgini berý týraly sheshimdi ótinish kelip túsken kúnnen bastap bes jumys kúni ishinde qabyldaıdy. Bıomaterıaldy berý bıologııalyq materıaldy saqtaýdy júzege asyratyn densaýlyq saqtaý uıymynyń basshysy sheshim qabyldaǵan kezden bastap 7 jumys kúni ishinde júzege asyrylady. 22.Zertteý aıaqtalǵannan keıin zertteý júrgizgen ǵylymı uıym nemese zertteýshi bıologııalyq materıaldy bergen uıymnyń basshysyna: zertteý barysynda paıdalanylmaǵan bıologııalyq materıaldyń úlgilerin; bıologııalyq materıaldyń árbir úlgisin zertteý týraly esepti usynady. Buıryq Qazaqstan Respýblıkasynyń Ádilet mınıstrliginde 2015 jylǵy 3 naýryzdaǵy Normatıvtik quqyqtyq kesimderdi memlekettik tirkeýdiń tizilimine №10374 bolyp engizildi.