Aýdan basshysynyń aıtýynsha, jergilikti halyqty baspanamen qamtamasyz etý jumysy josparǵa sáıkes aldaǵy ýaqytta da jalǵasady. Birinshi kezekte halyqtyń áleýmettik turǵydan osal toptaryna qoldaý kórsetý nazardan tys qalmaq emes.
«Halyqtyń áleýmettik osal toptaryna qoldaý kórsetý, olardy qoljetimdi baspanamen qamtamasyz etý – memlekettik saıasattyń basty mindetteriniń biri. Búgin paıdalanýǵa berilip otyrǵan turǵyn úıler – Memleket basshysynyń áleýmettik baǵyttaǵy saıasatynyń aýdanymyzda naqty júzege asyp jatqanynyń aıqyn dáleli. Bul – eldiń qamyn oılaǵan birliktiń, turaqtylyqtyń jemisi dep bilemin», deıdi B. Bolatbekov.
Jańa turǵyn úıler Qordaı aýylynyń «Shyǵys» shaǵynaýdanynda ornalasqan. Barlyq baspana eki bólmeli, onyń ishinde jatyn jáne qonaq bólmeleri, sondaı-aq ashana men ájethana qarastyrylǵan.
Jambyl oblysy
