Demalys orny Sh. Dildebaev atyndaǵy Mádenıet úıiniń qarsy betinde ornalasqan.
Jobanyń jalpy quny 650 mıllıon teńgeni quraıdy. Bul qarjyǵa keń kólemdi abattandyrý jumystary júrgizilip, qalalyqtar úshin qolaıly ári zamanaýı demalys orny jasaqtaldy. Aýmaǵyna órnektas tóselip, aǵashtar men jasyl jelek otyrǵyzyldy. Balalarǵa arnalǵan oıyn alańdary ornatyldy. Oryndyqtar, jaryq shamdary jáne shaǵyn sáýlet nysandary qoıyldy.
Jańa nysannyń basty ereksheligi – ınteraktıvti qurǵaq sýburqaq. Bul sýburqaq jazǵy ystyq kúnderi balalar men eresekterdiń súıikti demalys ornyna aınalary sózsiz.
Sátbaev qalasynyń ákimdigi men «Qazaqmys» korporasııasy qala turǵyndarynyń ómir súrý sapasyn arttyrý baǵytyndaǵy yntymaqtastyqty jalǵastyryp, áleýmettik mańyzdy jobalardy júzege asyrýdy ári qaraı da jalǵastyra beredi.
Ulytaý oblysy
