Foto: Ashyq derekkóz
Oqý-aǵartý mınıstrliginiń habarlaýynsha, bul júıe – jańa formattaǵy «Keleshek mektepterine» jas pedagogterdi jedel ári tıimdi irikteýge arnalǵan qural. Platformada pedagogıkalyq joǵary oqý oryndarynyń túlekteriniń elektrondy portfolıolary jınaqtalǵan. Qazirdiń ózinde 600-ge jýyq jas maman arnaıy testileýden ótip, derekqorǵa engizilgen.
«Júıede jas pedagogtardyń bilimi, mamandyǵy men tájirıbesine qatysty málimetter jınaqtalyp, elektrondy portfolıo qalyptastyrylady. Qazirgi tańda platforma tek «Keleshek mektepteri» dırektorlary úshin qoljetimdi. Olar kandıdattardy óńiri, páni, biliktiligi boıynsha tıimdi tańdaı alady. Júıe memlekettik derekqorlarmen kiriktirilgen, bul – málimetterdiń dáldigi men ózektiligin qamtamasyz etedi», delingen habarlamada.
Aıta keteıik, qazirgi ýaqytta júıe tek «Keleshek mektepteri» dırektorlaryna arnalǵan. Bul – sapaly kadrlardy tańdaýdy ońtaılandyryp, jas muǵalimderdi jumyspen qamtý prosesin jedeldetýge múmkindik beredi. Joba – zamanaýı bilim berý mekemelerin kásibı ári jańashyl kadrlarmen qamtamasyz etýdiń tıimdi tetigi retinde iske asyrylyp otyr.
Platformanyń negizgi múmkindikteri:
- Jas pedagog týraly tolyq elektrondy karta;
- Dırektorlar úshin qaýipsiz kirý júıesi (ESQ arqyly);
- Smart súzgi: naqty pán, óńir jáne mamandyǵy boıynsha izdeý;
- Jumysqa ornalasqan túlekterdi avtomatty túrde esepke alý.
