Foto: Ashyq derekkóz
«Atameken» Ulttyq kásipkerler palatasy tóralqasynyń tóraǵasy Raıymbek Batalov qazirgi ýaqytta túrli salalyq memlekettik organdar men kvazımemlekettik kompanııalardyń ártúrli aqparattyq júıelerge súıenetinin atap ótti. Bul jaǵdaı bıznestiń jumysyn qıyndatyp, aqparatqa qoljetimdilikti tejeıdi.
Sonymen qatar Raıymbek Batalov jalpy qabyldanǵan sharalardyń, onyń ishinde ulttyq rejımnen bosatýdyń óńdeýshi ónerkásipke oń áserin tıgizgenin atap ótip, bul sheshim úshin bıznes atynan alǵys aıtty.
«Bárimiz de ortaq isti atqaryp otyrmyz, OTО́-ny jumysqa tartamyz, tek tásilderimiz ártúrli. Bıznes úshin munyń bári ártúrli aqparattyq júıelerdi izdeý jáne baǵdarlaný qıyn. Osyǵan baılanysty, taýarlardy, jumystar men qyzmetterdi, onyń ishinde ınjınırıngtik qyzmetterdi qoldaý arqyly ashyqtyq pen obektıvtilik úshin Ulttyq ekonomıka mınıstrligi bekitetin jáne ázirleıtin Bıznestiń sıfrlyq kartasynda jańa tásilderdi pysyqtaýdy usynamyz. Biz munyń bárin bir modýlge, ıaǵnı «Matrısa» modýline aınaldyrýdy usynamyz. Jer qoınaýyn paıdalanýshylardyń gmk.eoz platformasynyń satyp alýy mysalyn paıdalanamyz», dedi Raıymbek Batalov.
Bul rette Premer-mınıstr taýar óndirýshilerdiń tizilimine kirý mehanızmin jańǵyrtyp, ony bızneske yńǵaıly etý qajettigin atap ótti.
