Foto: baldauren.kz
Ortalyq jumys istegen jyldar ishinde «Baldáýren» respýblıkalyq oqý-saýyqtyrý ortalyǵynda álemniń 15 elinen kelgen balalar demalǵan. Keıingi úsh jyldyń ózinde «Baldáýren» TMD elderinen, Qytaı, Túrkııa, Mońǵolııa jáne basqa da memleketterden kelgen 700-den astam sheteldik balany qabyldaǵan.
Ortalyq 3 maýsymda Qazaqstanǵa demalys pen ońaltýdan ótý úshin Ýkraınadan balalar toby kelgenin habarlady. Olar úshin bizdiń elimiz týraly tanymyn keńeıtýge baǵyttalǵan birqatar is-sharalar josparlanǵan. Atap aıtqanda, balalar «Býrabaı» memlekettik ulttyq tabıǵı parkine ekskýrsııa jasap, Astana qalasyndaǵy kórnekti oryndarǵa saıahattaıdy.
Mundaı saparlar balalardyń oı-órisin keńeıtip qana qoımaı, mádenıetaralyq túsinistik pen ózara qurmetti qalyptastyrýǵa, halyqtar arasyndaǵy dostyqty nyǵaıtýǵa yqpal etedi.
