Foto: Úkimet
О́ńdeý ónerkásibiniń órkendeýi qańtar-sáýir aralyǵyndaǵy qorytyndyda anyqtalǵan.
Eń joǵary ósim mashına jasaý – 111,2%, hımııa ónerkásibi – 111,2%, qurylys ındýstrııasy – 112,9% jáne jıhaz óndirisi – 114,8% salalarynda baıqalyp otyr.
Sondaı-aq, elimizde otandyq ónimniń úlesi metallýrgııa, jeńil ónerkásip jáne elektronıka salalarynda artyp keledi. Taýar ishki óndirisiniń ulǵaıýy nátıjesinde ımporttyq ónimder birtindep aýystyrylady.
«Otandyq óńdeýshi ónerkásip kásiporyndaryn qoldaýdyń pármendi quraldarynyń biri - retteletin satyp alýlarǵa qatysýǵa basym quqyq berý bolyp sanalady», dedi Ersaıyn Naǵaspaev.
Osy quraldyń arqasynda otandyq taýarlardyń 4 834 astam pozısııasyna basymdyq berilgen. Bıylǵy 5 aıdyń qorytyndysy boıynsha memlekettik organdar otandyq taýar óndirýshilermen 303 mlrd teńge bolatyn 96 myńnan astam kelisimshartqa qol qoıǵan. Bul ótken jylmen salystyrǵanda 3 ese joǵary.
