Foto: ashyq derekkóz
Oqıǵa 2 maýsym kúni saǵat 22:05 shamasynda Áýezov pen Gagarın kósheleriniń qıylysynda bolǵan. Jedel járdem kóligi men Jac markaly avtokólik soqtyǵysqan. Oqıǵa sáti beınebaqylaýǵa túsip qalǵan – vıdeodan jedel járdem júrgizýshisiniń baǵdarshamnyń qyzyl jaryǵyna ótkenin kórýge bolady. Kólik jypylyqtaıtyn maıaktarmen qozǵalyp kele jatqan.
«Qalalyq aýrýhanaǵa apattan keıin tórt adam jetkizildi. Bir jábirlenýshi ambýlatorııalyq emdeýge jiberildi, úsheýi hırýrgııalyq bólimge jatqyzyldy. Jaǵdaılary ortasha aýyr», dep habarlady Jetisý oblysynyń Densaýlyq saqtaý basqarmasy.
Oblystyq polısııa departamentiniń málimetinshe, oqıǵaǵa baılanysty qylmystyq is qozǵalyp, tergeý bastalǵan. Qazirgi ýaqytta jol apatynyń sebepteri men mán-jaıy anyqtalýda.
Janel TО́LEÝBEKOVA, EUÝ stýdenti
