Foto: Ashyq derekkóz
ShQO Polısııa departamenti bul aqparatty rastap, qylmysqa qatysy bar kúdiktilerdiń jeke basyn anyqtaǵan.
«Qazir úsh er adam ustalyp, ýaqytsha ustaý ızolıatoryna qamaldy. Taǵy úsh kúdiktige izdeý jarııalandy. Oqıǵanyń mán-jaıyn jáne sebepterin anyqtaý úshin barlyq qajetti jedel-tergeý is-sharalary júrgizilip jatyr», dep habarlady polısııa departamentiniń baspasóz qyzmeti.
Sonymen qatar, vedomstvo qazirgi tańda áleýmettik jelilerde taraǵan «qaýipti qylmyskerler qashyp ketti» degen aqparatty joqqa shyǵardy. Bul jalǵan málimetke baılanysty polısııa halyqty tek resmı derekkózderge senýge shaqyrdy.
«Qoǵamda negizsiz dúrbeleń týdyrmaý úshin azamattardy tekserilmegen aqparat taratpaýǵa shaqyramyz. Beloýsovka kentindegi EMMJ patrýlderiniń qatysýymen júrgizilgen sharalar josparly sıpatta boldy», delingen habarlamada.
Buǵan deıin Pavlodar oblysynda burynǵy polısııa qyzmetkerleri de qatysqan qylmystyq top ustalyp, olar adam urlaý jáne iri kólemde aqsha bopsalaýmen aınalysty degen kúdikke ilingen bolatyn.
