QOSTANAI. 6 mamyr. Qostanaıda I.Omarov atyndaǵy oblystyq drama teatrynda Jeńistiń 70 jyldyǵyna arnap jyl boıy júrgen «Eske alý estafetasy» jobasy qorytyndylaýǵa baılanysty patrıottyq kesh ótti. Onda «Jaýyngerlik Dańq kitaby» saltanatty túrde oblystyq tarıhı-ólketaný mýzeıine tabys etildi. Bul týraly egemen.kz tilshisi habarlady.
О́tken jyldyń kúzinde oblystyq ishki saıasat basqarmasy, oblystyq arhıv jáne qujattama basqarmasy jáne oblystyq ardagerler keńesiniń birikken jobasy «Jaýyngerlik Dańq kitaby» uıymdastyrylyp, ol aýdandardy, qalalardy aralaǵan bolatyn. Ol ár aýdanda, qalada soǵys jaıly estelińktermen, tyń derektermen, ıaotosýrettermen toltyryldy. Oǵan oblystaǵy soǵys jáne tyl ardagerleri, jastar, mektep oqýshylary belsene qatysty. Jeńis kúni qarsańynda osy jobany qorytyndylaý saltanaty ótti. Teatr foıesinde kelýshiler oblystyq arhıv jáne qujattama basqarmasy uıymdastyrǵan qujattar men fotosýretter kórmesin tamashalady.
Iýlııa Govorova: «Búgingi kórmege 145 jádiger qujat qoıyldy. Olardyń barlyǵy da aýdandar men qalalardaǵy turǵyndardan jınaldy. Buryn kóbine arhıvte Uly Otan soǵysy batyrlaryna, belgili tulǵalarǵa qatysty materıaldarǵa kóńil bólinetin. Bıyl biz turǵyndar qolyndaǵy soǵysqa qatysty barlyq materıaldardy jınadyq. Kóptegen adamdar soǵysta qaıtqan týystarynyń, atalarynyń, ájeleriniń sýretterin, hattaryn ózderi ákelip tapsyrdy, sonymen qatar tyldaǵy eńbekkerler, soǵys kezindegi balalar týraly maǵlumat kóp», dedi.
«Eske alý estafetasynyń» sońǵy sharasynda oblys ákiminiń orynbasary Murat Dáribaev Uly Jeńistiń 70 jyldyǵyn atap ótýde Qazaqstanda balamasy bolmaǵan bul sharanyń mańyzydylyǵyna toqtaldy. Murat Dáribaev: «Eske alý estafetasy» oblysta úlken patrıottyq qozǵalys týǵyzdy. Kitaptyń avtory búkil qostanaılyqtar boldy desek artyq emes. Oǵan soǵys, tyl ardagerleri, pedagogıkalyq ujymdar, jastar, barlyǵy da belsene qatysty. Soǵys jáne tyl ómirinen tyń derekter tabylyp, ol málimetter jurtshylyqqa jarııalandy. Munyń barlyǵy patrıottyq tárbıe ózegine aınalary sózsiz», dedi.
Merekelik sharadaǵy shyrqalǵan patrıottyq ánder, dramalyq shyǵarmalardan úzindiler, oqylǵan óleńder alysta qalǵan qaharly kúnderdiń sanadaǵy jańǵyryǵyndaı júrekti tebirentti. Ásirese, Meńdiǵara aýdanyndaǵy Ǵ.Jumabaev atyndaǵy orta mekteptiń 7 synyp oqýshysy Maıa Orynaly jazýshy K.Segizbaevtyń «Jyldyń eń qysqa kúnderi» kitabynan oqyǵan úzindisin zaldaǵylardyń barlyǵy jylap otyryp tyńdady. Talantty oqýshy soǵysta ákesinen aıyrylǵan balanyń monologyn jerine jetkize oryndady.
Jeńistiń 70 jyldyǵyna arnalǵan «Eske alý estafetasy» qorytyndylanǵanymen, «Jaýyngerlik Dańq» kitaby broıynsha jumystar jalǵasyn tabatyn bolady. Kitap kóbeıtilip, ol oblystaǵy mektepter men oqý oryndarynyń kitaphanalaryna taratylyp beriletin bolady.
Názıra Járimbetova.
Derek, sýret: egemen.kz
