Foto: gov.kz
Mınıstrlik ınvataksı sapasyn arttyrý maqsatynda ákimdiktermen birlesip osy qyzmettiń tetigine ózgertý engizgen. Bul bastamaǵa azamattar qyzmet alýdan bir kún buryn telefon arqyly jazylý, saparlaryn aldyn ala josparlaý, kezek kútý, ınvataksıdiń jetispeýshiligi syndy jaǵdaılar sebep bolǵan.
Sharttardy jeńildetý úshin taksı agregatorlaryn tartý boıynsha pılottyq joba qolǵa alynǵan.
Mundaǵy basty shart saparlardyń aqysynan paıyzdyń bolmaýy, olar ádette agregator platformalarynyń paıdasyna aýdarylatyn. Iаndeks kompanııasy pılottyq jobaǵa óteýsiz negizde qatysýǵa nıet bildirgen.
Pılottyq joba sheńberinde azamattar Iаndeks Go mobıldi qosymshasy arqyly ınvataksı qyzmetin qoldana alady. Bul qyzmetti alýshy úshin kólikti tezirek tańdaýǵa, onlaın rejıminde tapsyrys mártebesin qadaǵalaýǵa jáne jasalǵan saparlarǵa monıtorıng júzege asyrýǵa múmkindik beredi. Atalǵan qosymshada múgedektigi bar adamdar júrgizýshige sapardaǵy erekshe qajettilikteri týraly eskertýi úshin arnaıy múmkindikter ekrany iske qosylǵan. О́z kezeginde júrgizýshiler adamdy kólikke otyrǵyzý jáne jolaýshyny túsirýde qalaı kómek kórsetýge bolatyny sekildi arnaıy nusqaýlar alady.
Vedomstvo pılottyq jobany aldaǵy ýaqytta elimizdiń basqa óńirlerine masshtabtaý josparlanyp otyrǵanyn málimdedi.
Aıta keteıik, byltyr ınvataksı 207,2 myń ret qyzmet kórsetken.
