Dala kitaphanasy Kókpekti aýdanyndaǵy Bıǵash aýylynan 15 shaqyrym jerde, Apyrym qystaýynyń aýmaǵynda ornalasqan. Alty qyrly keseneniń bıiktigi shamamen alty metr. Sáýleti bólek. Kisi jerlegen jerdiń syrtyna eki metr bıik tastan qorǵan salyp, onyń ústine eki metr bıiktikte aǵash dińgekter ornatylyp, shatyr jabylǵan. Al shatyrdyń ústine bıik kúmbez turǵyzylǵan. Kesenege kerek tasty alystan tasýǵa biraz kúsh jumsalǵanyn baıqaýǵa bolady. О́ıtkeni mańaıda eshqandaı tuıaq túrter joq.
«HIH ǵasyrdyń basynda ómir súrgen Apyrym baı oqymysty adam bolypty. Ol kisi oqyǵan kitaptaryn el ıgiliginen de aıamapty. О́zi ómirden óterinde urpaqtaryna kesenesi-niń shatyrynan kitap qoıatyn oryn shyǵaryp, oǵan barlyq kitabyn kıizge orap ornalastyrýdy amanattapty. Jaz jaılaýy Altaı bolǵandyqtan, alysqa adamdar kitap izdep sabylmasyn dep kesene shatyryna dala kitaphanasyn salǵyzǵan. Urpaqtary elge kerekti kitaptardy kıizge orap, kesene shatyryna qoıyp ketedi eken. Ony biletin oqymystylar keseneden kerek kitabyn alyp, qaıta aparyp qoıyp otyrǵan», deıdi jergilikti ólketanýshy, tarıhshy Qaırat Máliqajdar.
Dala kitaphanasynyń dástúrli úrdisi keńes zamanynda joıylǵan kórinedi, al kitaptardy kim alyp ketkeni belgisiz. Áıtkenmen, jergilikti jurt bul kitaphanadan talaı oqymysty kitap alǵanyn aıtady.
Abaı oblysy,
Kókpekti aýdany
