Foto: Qarjy mınıstrligi
Kezdesýdiń ashylýynda QHR Memlekettik keńesiniń vıse-premeri Dın Sıýesıan ShYU-nyń aımaqtyq jáne halyqaralyq ekonomıkalyq yntymaqtastyqty nyǵaıtýdaǵy mańyzdy rólin atap ótti. Onyń aıtýynsha, uıym búginde saýda-ekonomıkalyq ózara baılanystardy damytýdyń pármendi alańyna aınalyp otyr.
Shara aıasynda qatysýshylar ShYU keńistigindegi kópjaqty yntymaqtastyqtyń bolashaǵy men ózekti máselelerin talqylady. Atap aıtqanda, saýda-ekonomıkalyq yqpaldastyq, qarjy salasyndaǵy ıntegrasııa, sondaı-aq jahandyq turaqsyzdyq jaǵdaıyndaǵy makroekonomıkalyq saıasatty úılestirý máselelerine basa nazar aýdaryldy.
«Qazaqstan ShYU sheńberindegi yntymaqtastyqty mańyzdy strategııalyq basymdyq retinde qarastyrady jáne negizgi baǵyttar boıynsha ózara tıimdi áriptestikti belsendi damytýǵa múddeli», dedi QR Qarjy mınıstri Mádı Takıev.
Kezdesý aıasynda mınıstr Mádı Takıev Qytaı Halyq Respýblıkasynyń Qarjy mınıstri Lan Foanmen ekijaqty kelissózder ótkizgen. Taraptar halyqaralyq qarjy naryǵyndaǵy qazirgi ahýaldy talqylap, Qazaqstan men Qytaı arasyndaǵy qarjy-ekonomıkalyq seriktestikti odan ári keńeıtý máselelerin pysyqtady.
