Foto: Ashyq derekkóz
Qazaqstan Ulttyq bankiniń habarlaýynsha, 2025 jylǵy mamyrda jyldyq ınflıasııa 11,3%-dy quraǵan. Bul baǵanyń ósýine retteletin tarıfter, azyq-túlik baǵasynyń qymbattaýy, tutynýshylyq suranys pen óndiristik shyǵyndardyń artýy sebep bolǵan.
«2025 jylǵy mamyrda jyldyq ınflıasııa 11,3%-dy qurady. Baǵanyń ósýine retteletin tarıfter men qyzmetter qunynyń qymbattaýy, azyq-túlik ınflıasııasynyń jedeldeýi, sondaı-aq tutynýshylyq suranys pen óndiris shyǵyndarynyń artýy áser etken. Halyqtyń ınflıasııalyq kútýleri de 14,1%-ǵa deıin kóterildi», delingen málimette.
Ulttyq bank 2025 jyly ınflıasııany 10,5-12,5% aralyǵynda, 2026 jyly 9,5-11,5% deńgeıinde jáne 2027 jylǵa qaraı ınflıasııany 5,5-7,5%-ǵa deıin tómendetý kózdelip otyr.
«Ekonomıkalyq ósim 2025 jyly 5-6%, 2026 jyly 4-5% deńgeıinde boljanýda. О́sýge ishki suranys, ınvestısııalyq belsendilik jáne qurylymdyq reformalar yqpal etedi», delingen habarlamada.
