Qaladaǵy «Dostyq» shaǵyn aýdanynda ornalasqan kópirdiń uzyndyǵy – 238, eni – 17,1 metr. Aýdandyq jolaýshylar kóligi jáne avtomobıl joldary bólimi tasqyn sýdyń saldarynan jaramsyz kúıge túsken kópirdi jańǵyrtý jobasyna tapsyrys berdi. Qurylys jumystaryn «SK Kazalem» JShS atqardy. Seriktestik ókili Daýylbaı Kemalovtyń aıtýynsha, jumysty ótken jyly qyrkúıekte bastaý kózdelgen eken. Alaıda kópir astymen kommýnıkasııa jelileri júrgizilgen. Bul jańǵyrtýdy erte bastaýǵa kedergi keltiripti.
«Byltyr kóktemnen kópir arqyly kólik pen turǵyndardyń júrýine tyıym salynǵan edi. О́ıtkeni bul kópir – qurylys nysany emes, turǵyndardyń qaýipsizdigi men kólik qatynasynyń kepili. Endi jańǵyrtylǵan kópir arqyly monoqaladaǵy kólik qozǵalysyn retteýge qolaıly jaǵdaı jasalady», deıdi Qulsary qalasynyń ákimi Qadirjan Adınov.
Atyraý oblysy
