Sýret: unicraft.org
Kýrs barysynda qatysýshylar jasandy ıntellektiniń negizgi uǵymdarymen tanysady, «ChatGPT», «Gemini», «Copilot» syndy zamanaýı JI quraldardy jetik meńgeredi. Sonymen qatar olar qaıtalanyp otyratyn tapsyrmalardy avtomattandyryp, ýaqytty tıimdi basqarý, kontent jasaý men jeke jumys úderisterin ońtaılandyrý ádisterin úırenedi. Budan bólek qatysýshylar Telegram arnalarǵa JI tehnologııalaryn biriktirý joldaryn tájirıbe júzinde baıqap kóredi.
Jalpy, baǵdarlama mazmuny HR, marketıng, quqyq, qarjy, analıtıka syndy túrli saladaǵy mamandarǵa da, tehnologııany kásibine endirgisi keletin kásipker áıelderge de paıdaly bolmaq.
Kýrs sońynda qatysýshylar arnaıy sertıfıkatqa ıe bolyp, odan soń Almatyda ótetin oflaın is-sharaǵa shaqyrtý alady. Sonymen qatar kásibı baılanystar ornatýǵa, tájirıbe almasýǵa arnalǵan pikirles qaýymdastyqqa qosylýǵa múmkindik týady.
Aıta keteıik, bul baǵdarlama «EPAM Kazakhstan», Jasandy ıntellektini damytý qaýymdastyǵy, Almaty qalasynyń ákimdigi, «Áleýmettik dınamıka» qoǵamdyq qory jáne «Darlean» kompanııasynyń qoldaýymen júzege asady.
