Aqyn Baıanǵalı Álimjanovtyń 3 tomdyq kitaby shyqty

ALMATY. 22 maýsym. Qazaqstan Respýblıkasynyń eńbek sińirgen qaıratkeri, kóp qyrly talant ıesi – synshy, jazýshy, aıtys aqyny, dramatýrg, kınorejısser Baıanǵalı Álimjanov Astanadaǵy « Folıant» baspasynan 3 tomdyq shyǵarmalar jınaǵyn shyǵardy. Bul týraly egemen.kz habarlady. Belgili manasshynyń esimi baýyrlas Qyrǵyz elinde de asa tanymal. Ol sol eldegi respýblıkalyq Maldybaev atyndaǵy ádebı syılyqtyń laýreaty. Uly – jas talant Nurlan Álimjan ekeýi birlesip tyńdaýshysy súısintetin birneshe án de jazdy. Tańdamaly shyǵarmalar jınaǵynyń birinshi bólimi – «Sheksiz ǵalam, men seniń bir bólshegiń...» dep atalady. Munda aqynnyń ár jyldar kezeńinde jazǵan óleń-jyrlary men poemalary engizilgen. Kitaptyń ekinshi – «Teatr terezesindegi sáýle» bóliminde Baıanǵalıdyń dramatýrgııalyq shyǵarmalary jınaqtalǵan, al, úshinshi bólimde – «Kúlkimen kómkerilgen oı» taqyrybymen jazýshynyń áńgimeleri men povesteri toptastyrylǵan. Aıta keteıik, óner ıesiniń Astana qalasynda jekemenshik kınostýdııasy bar. Sońǵy kezde onyń jetekshiligimen keń kólemdi derekti úsh fılm túsirldi. Talǵat Súıinbaı. Derek, sýret: egemen.kz.