Fotolar; Oblys ákimdigi
Sessııany ashqan oblys ákimi Assambleıa óziniń 30 jyl ishinde etnosaralyq beıbitshilik pen kelisimdi nyǵaıtý úshin biregeı tuǵyrnamaǵa aınalǵanyn atap ótti, sondaı-aq Memleket basshysy qoıǵan mindetterdi dáıekti iske asyrýdyń mańyzyna toqtaldy.
«Etnosaralyq kelisim men birlik – bizdiń óńirimizdiń turaqtylyǵy men damýynyń negizi. Barlyq etnıkalyq toptar arasyndaǵy dostyq pen ózara túsinistikti nyǵaıtý boıynsha birlesken jumysty jalǵastyrý mańyzdy. Qazaqstan halqy Assambleıasy toleranttylyq mádenıetin qalyptastyrýda jáne ár halyqtyń salt-dástúrlerin qurmetteýde sheshýshi ról atqarady. Biz jastar kóshbasshylyǵyn damytýǵa jáne memlekettik tildi nasıhattaýǵa baǵyttalǵan bastamalardy qoldaımyz. Oblystyń barlyq turǵyndary úshin úılesimdi jáne gúldengen bolashaqty qamtamasyz etý úshin birigip jumys isteýimiz qajet», dedi oblys ákimi.
Jıynda negizgi baıandamany oblystyq ishki saıasat basqarmasynyń basshysy Álibek Baıneshov jasady. Ol Prezıdenttiń tapsyrmalary aıasynda óńirde etnosaralyq turaqtylyqty nyǵaıtý boıynsha keshendi jumystar jalǵasyp jatqanyn jetkizdi. Etnomedıasııany damytyp, jastar arasynda memlekettik tildi ilgeriletýge, sondaı-aq etnostardyń mádenıeti men ónerin dáripteýge kóńil bólinip jatyr. Bul baǵytta QHA músheleriniń qatysýymen respýblıkalyq konferensııalar men semınarlar uıymdastyryldy. Sonymen qatar, Assambleıanyń jastar qanaty mádenıetti, tildi jáne ulttyq qundylyqtardy nyǵaıtýǵa baǵyttalǵan jobalardy belsendi túrde júzege asyryp keledi.
«Osy baǵytta Memleket basshysynyń Qazaqstan halqy Assambleıasynyń XXXIV sessııasynda bergen tapsyrmalaryn júzege asyrý maqsatynda oblystyq deńgeıde jol kartasy bekitildi.
Endigi kezekte Qazaqstan halqy Assambleıasynyń negizgi 13 jobasy oblystyq basqarmalardyń, Aqtóbe qalasy men aýdan ákimdikteriniń ataýly datalar men qoǵamdyq mańyzy bar is-sharalar josparyna engiziledi», dedi Álibek Baıneshov.
Sondaı-aq, ol «Qoǵamdyq kelisim» ǵımaratyn týrıstik kartaǵa engizý jumystary bastalǵanyn jáne jyl sońyna deıin atalǵan nysan men oblystyq tarıhı-ólketaný murajaıynda mádenı kórmeler ótkizý josparlanǵanyn aıtty. Sondaı-aq, barlyq aýdanda shyǵarmashylyq ujymdardyń qatysýymen «Dostyq kerýeni» kóshpeli konserttik baǵdarlamasy ótkiziledi. Sonymen qatar, «Eltaný» jáne «Birligimiz – áleýmettaný» jobalary aıasynda etnomádenı birlestikter mektep jáne kolledj oqýshylarymen kezdesýlerin jalǵastyrady.
Sessııa barysynda «Rodına.KZ» etnomádenı birlestik tóraǵasynyń orynbasary Vıktorııa Sýraı da óz pikirimen bólisti. Birlestikter aldaǵy ýaqytta da mádenı jáne aǵartýshylyq jobalardy damytý arqyly birlikti nyǵaıtýǵa úles qosýdy jalǵastyrady.
Al, jastarǵa qatysty bastamalar jaıyn Assambleıanyń jastar qanatynyń ókili Iаkýb Tamaev aıtyp berdi. Ol «Jastar Assambleıasy» tek belsendi azamattyq qoǵamdastyq emes, sonymen qatar naǵyz patrıotızm mektebi ekenine toqtaldy. Jastar birlestigi qazaq tilin ilgeriletý boıynsha «SŪQBATTAS» podkasy, «Mámile» klýby, «Söileqazaqşa» aıdary sııaqty jobalardy iske asyrady, sondaı-aq etnomedıasııa jáne medıa saýattylyq boıynsha semınarlar, «Bizdiń zamannyń kóshbasshylary» trenıngterin ótkizedi.
«Qazaq tili – eldiń tarıhy, mádenı jáne rýhanı murasy. Ol ult birligin qalyptastyratyn qural, memlekettik basqarý tili, azamattyq biregeıliktiń belgisi», dedi Iаkýb Tamaev.
Sessııa sońynda marapattaý rásimi ótti. Oblysqa sińirgen eńbegi úshin ardager-ustaz Habıba Sarqulovaǵa kýálik pen tósbelgi tabystaldy. Sondaı-aq, ázerbaıjandar qoǵamynyń oblystyq fılıal tóraǵasy Rahıb Azızovti 60 jyldyq mereıtoıymen quttyqtady.
«Biz bul jumysty birlesip jalǵastyrýymyz kerek. Tek dıalog jáne bir-birimizdiń mádenıetimiz ben tilimizdi qurmetteý arqyly ǵana elimizdiń turaqty bolashaǵyn qamtamasyz ete alamyz», dedi sessııany qorytyndylaǵan aımaq basshysy.
