Qalalyq qylmystyq ister jónindegi aýdanaralyq sot eki jigittiń estimeıtin jáne sóıleı almaıtyn taksı júrgizýshige shabýyl jasaǵanyn anyqtady. Shabýyl jasaýshylar júrgizýshini uryp-soǵyp, onyń eki uıaly telefonyn tartyp alyp, oqıǵa ornynan boı tasalaǵan. Olardyń áreketi «Tonaý» baby boıynsha saralandy. Sottalýshylar qaraqshylyq jasaǵany úshin kináli dep tanyldy.
«Bákirov Jasulan Nurymuly Qylmystyq kodekstiń 191-baby 2-bóliginiń 1 jáne 3-tarmaqtarymen kináli dep tanylyp, 3 jyl 9 aıǵa bas bostandyǵynan aıyryldy.
Tasbolatov Maqsat Qaldyqululy dál osyndaı negizde aıypty dep tanyldy – ol 3 jylǵa bas bostandyǵynan aıyrý jazasyna kesildi», - dep habarlady Joǵarǵy Sottyń Sot kabınetiniń aqparattyq júıesi.
Is materıalyna sáıkes, qylmys «Kóktem» bazarynyń aýmaǵynda bolǵan. Qajetti mekenjaıǵa jetken eki jolaýshy júrgizýshiniń sóıleı almaıtynyn jáne estimeıtinin baıqaıdy. Olar aqsha tóleýdiń ornyna uryp-soǵyp, quny 180 myń teńgeden asatyn telefondaryn alyp ketken.
Sondaı-aq sottalýshylardyń buryn qylmystyq jaýapkershilikke tartylǵany belgili boldy: Jasulan Bákirov 2019 jyly qaraqshylyq shabýyl jasaǵany úshin túrmede otyryp shyqqan. Maqsat Tasbolatov 2024 jyly urlyq jasaǵany úshin 1 jyl 6 aı merzimge sottalǵan.
Sottalýshynyń ekeýi de 27 jasta. Olar óz kinásyn moıyndap, keltirilgen shyǵyndy ótep berdi.
