Aif.ru basylymynyń jazýynsha, eresekter men balalar úshin balmuzdaqtyń bir kúngi qaýipsiz mólsheri standartty porsııadan aspaýy tıis. Iаǵnı, vafeldi staqandaǵy bir balmuzdaq mólsheri bolýy kerek. Alaıda mamandar bul desertti kúndelikti tutyný durys emes ekenin eskertedi.
«Balmuzdaqtyń quramynda maı men qant mólsheri joǵary. Bul eki komponentti turaqty túrde birge tutyný aǵzaǵa zııandy», — deıdi dıetolog jáne nýtrısıolog Sofııa Kovanova.
Eger adam balmuzdaqty jıirek jeýdi qalasa, ol jeńil ári paıdaly nusqalardy, atap aıtqanda, muzdy jemis, jıdek qosylǵan balmuzdaq nemese sherbetti tańdaǵany jón.
Sonymen qatar maman balmuzdaqty banannan daıyndalǵan smýzıge aýystyrýdy usynady. Ol úshin banandy muzdatyp, ony jıdektermen birge blenderge salyp ezedi. Eger sýsynǵa sút dámin bergińiz kelse, quramyna maılylyǵy 10 paıyzdan aspaıtyn kilegeı qosýǵa bolady.
Maman taǵy bir paıdaly balama retinde tabıǵı shyrynnan daıyndalǵan jemis muzyn usynady. Mundaı desertter, aǵza úshin áldeqaıda qaýipsiz.
