TJM basshysy general-maıor Shyńǵys Árinovtiń bastamasymen iske qosylǵan baǵdarlama aýyldyq jerlerde azamattyq qorǵaý ınfraqurylymyn damytý men órtke qarsy jáne jalpy qaýipsizdik máseleleri erekshe qajet óńirlerdegi tótenshe jaǵdaılarǵa naqty, jedel den qoıýdy qamtamasyz etýge baǵyttalǵan.
Álimbettegi jańa órt sóndirý beketi bilikti jeke qurammen jasaqtalyp, zamanaýı órtke qarsy tehnıkamen, baılanys quraldarymen jáne táýlik boıy kezekshilikke qajetti jaraqtarmen tolyqtaı jabdyqtalǵan.
"Qazaqstandyqtardyń qaýipsizdigi qalada jáne aýylda birdeı qoljetimdi bolýy tıis. "Aýyl qutqarýshylary" baǵdarlamasy tek tehnıka men ǵımarattar ǵana emes, bul adamdardyń kez kelgen sátte kómek keletinine degen senimi", — dep mınıstr atap ótti.
Ashylý saltanaty aıasynda mınıstr órt sóndirý avtosısternasynyń kiltterin tabys etti, bul bekettiń jedel den qoıý men órtti sóndirý múmkindikterin barynsha keńeıtedi.
"Aýyl qutqarýshylary" baǵdarlamasy aýyldyq eldi mekenderdi qamtı otyryp, jumysyn jalǵastyrady. Bul azamattyq qorǵaý ulttyq júıesin nyǵaıtýdaǵy jáne Qazaqstan óńirlerinde ornyqty qoǵamdastyqtardy qalyptastyrýdaǵy strategııalyq qadam.
