Foto: Ashyq derekkóz
Apat Tallahoma qalasynda, Neshvıllden ońtústik-shyǵysqa qaraı shamamen 124 shaqyrym jerde, jergilikti ýaqyt boıynsha saǵat 12:30 shamasynda bolǵan. Ushaq Tallahoma áýejaıynan áýege kóterilgennen kóp uzamaı apatqa ushyraǵan.
Apattan qaza tapqandar joq. Alaıda, borttaǵy alty adam túrli jaraqat alyp, aýrýhanaǵa jetkizilgen. Olardyń biriniń jaǵdaıy aýyr. Zardap shekkenderdiń ekeýi tikushaqpen, qalǵan tórteýi jerústi kóligimen tasymaldanǵan. Resmı aqparatqa sáıkes, ushaqta parashıýtpen sekiretin áýesqoı sportshylar bolǵan.
AQSh-tyń Azamattyq avıasııa federaldy basqarmasy apattyń sebebin anyqtap jatyr.
Aıta keteıik, buǵan deıin, mamyr aıynda, Kalıfornııadaǵy San-Dıego mańynda jeke ushaq apatqa ushyrap, eki adam qaza taýyp, segiz adam jaralanǵan bolatyn.
