Foto: Erlan Omar
Sonymen qatar, aýyl sharýashylyǵy tehnıkasyn jeńildetilgen lızıng arqyly satyp alýǵa 250 mlrd teńge baǵyttaldy. Atalǵan baǵdarlama boıynsha sharýalar jyldyq 5% mólsherlememen qoljetimdi qarjylandyrý ala alady.
Qarajattyń aýyl sharýashylyǵy qurylymdaryna tolyq ári tıimdi jetýin qamtamasyz etý úshin qarajatty bólý alty túrli arna arqyly júzege asyrylyp jatyr. Olar:
- «Agrarlyq nesıe korporasııasy» AQ (ANK);
- Ekinshi deńgeıli bankter • Mıkroqarjylyq uıymdar;
- О́ńirlik ınvestısııalyq ortalyqtar;
- Nesıelik seriktestikter;
- Áleýmettik-kásipkerlik korporasııalar (ÁKK)
«Elimizde AО́K tarıhynda alǵash ret egis jumystaryn qarjylandyrý naýqany aldyn ala – 2024 jyldyń jeltoqsan aıynan bastaldy. Bul Memleket basshysynyń tapsyrmasymen júzege asqan 2025 jylǵy erte qarjylandyrý bastamasynyń arqasynda múmkin boldy. О́tinimderdi qabyldaý bastalǵaly beri 7407 ótinish kelip tústi, olardyń jalpy somasy 493,5 mlrd teńgeni quraıdy. Qazirgi ýaqytta 6988 ótinish maquldanyp, qarjylandyryldy. Bul 7,3 mln gektar alqapta egis jumystaryna daıyndyq júrgizýge múmkindik berdi», delingen habarlamada.
Aıta keteıik, kepilzat jetkiliksiz bolǵan jaǵdaılar úshin «Damý» kásipkerlikti damytý qory arqyly memlekettik kepildendirý tetigi qarastyrylǵan. Bul júıe aıasynda memleket nesıe somasynyń 85%-na deıingi bóligin kepildendiredi, nátıjesinde shaǵyn jáne jańadan bastaǵan sharýalarǵa da qarjylandyrý qoljetimdi bola túsken.
Qazirgi tańda osy tetik boıynsha jalpy somasy 166,5 mlrd teńgeni quraıtyn 1134 kepildik berilip, 195,9 mlrd teńge kóleminde nesıe rásimdelgen.
