Belgilengen talaptarǵa sáıkes, ardagerde kem degende bir ordeni bolýy tıis. Osy krıterııge sáıkes, óńirden 122 ardagerdiń tizimi QR Mádenıet jáne aqparat mınıstrligine joldanyp, olardyń ishinen 47-sine kelisim berilgen.
«Qazirgi ýaqytta aýdan jáne qala ákimdikteri QR Mádenıet jáne sport mınıstriniń 2023 jylǵy 1 shildedegi №211 buıryǵyna sáıkes kóshelerge atalǵan ardagerlerdiń esimderin berý jumysyn júrgizip jatyr. Bul buıryqta ákimshilik-aýmaqtyq birlikterge, eldi mekenderdiń quramdas bólikterine ataý berý, qaıta ataý, transkrıpsııasyn naqtylaý jáne ózgertý kezinde tıisti aýmaq halqynyń pikirin eskerý qaǵıdalary bekitilgen», dep málimdedi Túrkistan oblysynyń mádenıet basqarmasy.
Jyl sońyna deıin Túrkistan oblysyndaǵy barlyq 47 kóshege Keńes Odaǵynyń Batyrlary men Ekinshi dúnıejúzilik soǵys ardagerleriniń esimi resmı túrde beriledi.
Sonymen qatar, «Memorıaldyq taqtalar ornatýǵa ruqsat berý» memlekettik qyzmet kórsetý qaǵıdalaryna (QR Mádenıet jáne sport mınıstriniń 2020 jylǵy 26 mamyrdaǵy №149 buıryǵymen bekitilgen) sáıkes, jergilikti ákimdikter sol kósheler boıyna aqparattyq taqtaıshalar men memorıaldyq belgiler ornatýmen aınalysady.
Eske salsaq, soǵys ardagerleriniń esimin kóshelerge berý bastamasy Qazaqstan Prezıdenti Qasym-Jomart Toqaevtyń tapsyrmasy boıynsha qolǵa alynǵan bolatyn. Ekinshi dúnıejúzilik soǵystaǵy Jeńistiń 80 jyldyǵyna oraı Respýblıkalyq onomastıka komıssııasy el kóleminde toponımderdi jańartý týraly sheshim qabyldaǵan.
