Foto: Ashyq derekkóz
Sońǵy málimetterge sáıkes, drondar eki aýdanǵa baǵyttalyp, shabýyl saldarynan eki adam qaza taýyp, 54 turǵyn túrli dárejedegi dene jaraqattaryn alǵan. Jaralanǵandardyń arasynda segiz bala bar.
Harkov meri Igor Terehovtyń aıtýynsha, shabýyl túngi saǵat 00:31-de bastalyp, 00:40-qa deıin jalǵasqan. Reseı tarapy qalaǵa 17 «Shahed» dronyn jibergen. Olar turǵyn úılerge, jeke sektorǵa, balalar alańdaryna, qoǵamdyq kólikke jáne óndiristik nysandarǵa tikeleı soqqy jasaǵan.
Shabýyl nátıjesinde birneshe kópqabatty úı órtenip, ǵımarattardyń shatyrlary qıraǵan. Sonymen qatar avtokólikter janyp, jarylys tolqyny terezelerdi syndyrǵan. Sondaı-aq trolleıbýstar men olardyń jelileri, kommýnaldyq jáne óndiristik nysandarǵa da zaqym kelgen.
Jergilikti bıliktiń habarlaýynsha, Slobod aýdanyna da shabýyl jasalyp, trolleıbýs deposyna tikeleı soqqy tıgen. Bul jerde toǵyz adam zardap shekken, olardyń ekeýi bala.
