Foto: Ulttyq ekonomıka mınıstrligi
Jeńildetilgen nesıe óńdeý ónerkásibi, kólik jáne qoımalaý, týrızm, bilim berý, densaýlyq saqtaý salalalaryna bet burǵan kásipkerlerge beriledi. Túpki qaryz alýshy úshin syıaqy mólsherlemesi jyldyq 12,6% -dan aspaıdy.
Baǵdarlama boıynsha jalpy qarajat kólemi 750 mlrd teńge bolady, onyń 300 mlrd teńgesin Qor bóledi, al 450 mlrd teńge ekinshi deńgeıli bankter tarapynan birlesip qarjylandyrý aıasynda tartylady.
«О́rleý» baǵdarlamasy ınvestısııalyq maqsattarǵa jeńildikti qaryz berýdi, aınalym qarajatyn tolyqtyrýdy jáne 2025 jylǵy 1 qańtardan bastap berilgen qoldanystaǵy kredıtterdi qaıta qarjylandyrýdy kózdeıdi.
Negizgi sharttar:
• qaryzdyń eń joǵary somasy – ınvestısııaǵa 7 mlrd teńgege deıin, aınalym qarajatyna 3,5 mlrd teńgege deıin;
• syıaqy mólsherlemesi – jyldyq 12,6% -dan aspaıdy;
• qarjylandyrý merzimi: ınvestısııalyq maqsattarǵa 10 jylǵa deıin, aınalym qarajatyn tolyqtyrýǵa 3 jyldan aspaıdy, kredıtterdi qaıta qarjylandyrýǵa qarjylandyrylatyn bereshek merziminiń qaldyǵynan artyq emes.
«О́rleý» baǵdarlamasyna qatysý úshin kásipkerler tikeleı nesıe berýshilerge júginýi qajet. Qazirgi kezeńde Freedom Bank, SentrKredıt Banki jáne Halyk bank-pen tıisti kelisimderge qol qoıyldy.
