«QazAtomО́nerkásip» ulttyq kompanııasynyń basshysy taǵaıyndaldy

ASTANA. 6 mamyr. Asqar Jumaǵalıev «QazAtomО́nerkásip ulttyq atom kompanııasy» AQ-nyń basshysy bolyp taǵaıyndaldy. Bul týraly kompanııanyń baspasóz qyzmeti habarlady. Asqar Jumaǵalıev 1972 jyly 2 tamyzda Reseıdiń Orynbor oblysynda týǵan. Sverdlov Sývorov áskerı ýchılıshesin, Raketa áskeriniń Harkov joǵary áskerı komandalyq-ınjenerlik ýchılıshesin, Almaty qalasy Sátbaev atyndaǵy Qazaq ulttyq tehnıkalyq ýnıversıtetiniń tehnıka fakýltetin radıobaılanys, radıotaratý jáne teledıdar mamandyǵy boıynsha, Qazaq gýmanıtarlyq-zań akademııasynyń zań fakýltetin «Zańtaný» mamandyǵy boıynsha jáne Shveısarııalyq federatıvtik tehnologııalar ınstıtýtyn elektrondyq basqarý jónindegi sheber mamandyǵy boıynsha bitirgen. Asqar Qýanyshuly birqatar memlekettik laýazymdy qyzmetterdi abyroımen atqardy. Sońǵy qyzmeti – Investısııalar jáne damý mınıstriniń orynbasary. «Qurmet» ordeniniń ıegeri. «QazAtomО́nerkásip» ulttyq atom kompanııasy Qazaqstannyń ýran jáne ózge metaldardy eksporttaý jónindegi ulttyq operatory. Kompanııanyń 100% aksııasy memleketke tıesili. Ulttyq kompanııanyń jalǵyz aksıoneri – «Samuryq-Qazyna» ulttyq ál-aýqat qory» AQ. Elaman Qońyr. Derek: «QazAtomО́nerkásip» kompanııasynyń baspasóz qyzmeti. Sýret: kapital.kz.